چ بوو ئهگهرێ هێلانا مێسى بۆ يانهيا بهرشهلۆنا؟
گاڤ نيوز
بڕيارا بهرپرسێن يانهيا بهرشهلۆنا و نهگههشتنا وان بۆ رێككهفتنێ ل سهر نويكرنا گرێبهستا ستێرێ يانهيێ ليونێل مێسى پشتى 16 سالان ب درێسێ يانهيێ يارى كرى، بۆ جهێ سهرسۆرمان و شۆكهكا مهزن دناڤ حهزژێكهرێن يانهيا كهتهلۆنى دا.
چوونا مێسى ژ رێزێن يانهيا بهرشهلۆنا هاته راگههاندن پشتى دو ههيڤان ژ راگههاندنا سهرۆكێ يانهيێ خوان لاپۆرتا كو دێ مێسى د يانهيێ دا مينيت پشتى رازيبووى مووچهيێ خۆ كێمبكهت.
بهرشهلۆنا راگههاند كو هژمارهيهكا ئاستهنگێن دراڤى و ئاستهنگێن گرێداى رێسايێن خولا ئسپانيا بوونه ئهگهرێ چوونا مێسى ژ يانهيێ.
راديۆيا كواترۆ يا ئسپانى ئهگهرهكێ دى يێ ل پشت چوونا مێسى ئاشكراكر كو ئهو ژى فران رێفيرتهر رێڤهبهرێ گشتى يێ بهرشهلۆنا بوو كو وى كارتێكرنهكا مهزن ل سهر چوونا مێسى ژ رێزێن يانهيێ ههبوو.
رۆژنامهنڤيسێ ئسپانى يێ ناڤدار ئهلفرێدۆ مارتينێز ئهوێ كو بۆ تۆرا ئوندا سێرۆ يا ئسپانى كاردكهت ل دۆر چوونا مێسى ژ بهرشهلۆنا گۆت: رێسايێن دهستهيا خولا ئسپانيا دێ ئاريشهيان بۆ يانهيا كهتهلۆنى پهيداكهن ئهگهر مووچهيێ هندهك ياريزانان نههێته كێمكرن.
دياركر ژى: ئهڤهيه كهتوارێ سهخت يێ بهرشهلۆنا د ميركاتۆيا 2021-2022 دا، نه مێسى دمينيت و نه گرێبهستێن نوى دگهل يارزانێن نوى د رێكێ دا نه.
رۆژنامهيا سپۆرت يا ئسپانى ژ لايێ خۆڤه دياردكهت كو خێزانا مێسى هندهك وهخت دابوو خوان لاپۆرتا سهرۆكێ يانهيا كهتهلۆنى كو جارهكا دى هزر د پێگوهۆران دا بۆ نويكرنا گرێبهستا مێسى بكهت، لێ لاپۆرتاى بۆ وان دياركر كو چ رێك نينن كێشهيا مووچهيێ مێسى پێ بهێته چارهسهركرن و ئهستهمه گرێبهستا مێسى ب شێوهيهكى قانوونى بهێته تۆماركرن.
رۆژنامهيا ناڤبرى ب پشتبهستن ب خێزانا مێسى دياركر ژى كو تا نها مێسى دانوستاندن ل گهل چ يانهيێن دى دهستپێنهكرينه چونكه وى هزردكر دێ گرێبهستا وى هێته نويكرن.
تُتاح هذه الصورة أيضا في: کوردی