بنگەهێ لالش باعەدرێ هاریکارى ب سەر هەموو قۆتابخانێن سەنتەرێ باعەدرێ و باخچێ زارۆکان پارڤەکرن
تۆرا لالش یا راگههاندنێ:
هەڤدەم دگەل دەستپێکرنا پرۆسێسا خواندنێ ل هەرێما کوردستانێ و وەک پشتەڤانی و هاریکاری ژبۆ ناڤەندێن خواندنێ ل باعەدرێ.
ئیرۆ رۆژا شەمبوویێ رێکەفتی 17ی ئەیلولا 2022ێ بنگەهێ لالش تایێ باعەدرێ سەرەدانا هەموو قوتابخانە و باخچەیێ زارۆکان ل سەنتەرێ ناحیا باعەدرێ کر.
دسەرەدانا خۆدا بۆ هەر یەک ژ(ئامادەیا باعەدرێ یا تێکەل/ میترا بنەڕەت/ زهێرا بنەڕەت/ باخچێ زارۆکان/ باعەدرێ بنەڕەت/ شەهید مەحمود ئێزدی بنەڕەت)
بنگەهێ لالش باعەدرێ کەل و پەلێن کارگێڕی یێن پێدڤی ب سەر هەموو کارگێریێن قۆتابخانا دا دابەشکرن.
هەر ددەمێ سەردانێ دا ، بەرپرسێ بنگەهێ لالش باعەدرێ (خلات باعەدری) و شاندێ دگەل دا پشتەڤانی و هاریکاریا بنگەهێ لالش باعەدرێ بۆ ناڤەندێن خواندنێ دۆپاتکر مینا سالان و دا زانین دێ بەردەوام بن ل سەر درێژکرنا دەستێ هاریکاریێ پێخەمەت خزمەتا پرۆسێسا پەروەردێ ل باعەدرێ. ل داویێ داخوازا سەرکەفتنێ بۆ تەڤایا کارگێریا خواستن.
ژلایێ خۆڤە تەڤایا کارگێریێن ناڤەندێن خواندنێ سۆپاسیا شاندێ بنگەهێ لالش باعەدرێ کرن بۆ پشتەڤانی و هاریکاریێن بەردەوام و درێغینەکرنێ.
س.س
تُتاح هذه الصورة أيضا في: کوردی