بێ هیڤی بوون ژ وارێن باب كالا
ناڤین لەتیف
ئەڤە پتر ژ چار سالانە دەربەدەر و ئاوارە دژین و ژ وارگەهێ خۆ یێ باب و كالان شنگالا خۆراگر دوورین،مە گەلك هاواركر لێ هاوارا مە بەرئاڤ چۆ ل وەلاتێ خۆ دژیم،لێ نكارم سەرەدانا جیێ ژ دەیكبوون و ئاخا خۆ هەمبێز بكم.
ئەو كەسێن ئێزدیێن شنگالێ جینۆسایدكرین و دەستێ خۆ ب خوونا ئێزدیان شوشتین و رۆژا رەش بسەر مللەتێ مە دا ئیناین هێشتا ئازادان و نەهاتینە سزادان و كۆمكوژی هێشتا یا بەردەاومە و ب داوی نەهاتیە و ب هەزاران گرتیێن ئێزدی د دەستێ تیرۆرستێن داعشێ دانە و نەهاتینە رزگاركرن و پتریا ئێزدیان دەربەدەر و ئاوارەنە و ل بن خیڤەتان دا ژیانا خۆ دبەنە سەری،هەروەسا گەلەك زارۆك ل ناڤ خێزان و كەمپێن باژێرێ مووسلێ دان و پێتڤیە دووڤچۆن لسەر بێتە كرن ژبەركو مووسل یا هاتیە ئازادكرن و گۆڕێن بكۆم هەموو ل شنگال هەموو نەهاتینە كۆلان و چاڤێ كەس و كارێن قوربانیان ل ڤەكرنا وان گۆڕانە داكو تشتەكی ژێ بزانن و ڤەشێرن.
ئیرۆ ئاوارێن شنگالێ بێ هیڤی بوونە كو جارەكا دی ڤەگەرنە سەر وارێ باب و كالان و مال و مولكێ خۆ ڤە،لەوا پێتڤیە رەوشا شنگالێ ئاسایی ببتە ڤە و ئارامی لێ بەرقرار بت و دووبارە دەست ب ئاڤەدانكرنێ و خزمەتكاریێن سەرەكی بۆ خەلكی بێنە دابینكرن،داكو جارەكا دی ڤەگەرنە ڤە.
تُتاح هذه الصورة أيضا في: کوردی