كی چالاكڤانە و كی رەخنەگرە؟
مەروان داود
ئەوێ تۆرێن جڤاكی بكاربینت و پێنچ هەزار هەڤال ل فەیسبۆكی هەبن،ئەرێ ئەو چالاكڤانە؟! ئەوێ ئەنستگراما وی ب دوو هەزار فولۆیان تێپەراندبن چالاكڤانە؟ ئەوێ ل مال یێ بەتال بت و(24) دەمژمێرا لایفان ڤەكت و خەبەرا ب بێژتە خەلكێ،چالاكڤانە؟ و هتد… .
بتریا تاكێن ئەڤی جڤاكی وەسا هزر دكن،هەر كەسەكێ فۆلویێن وی ل تۆرێن فەیسبۆك یان ئەنستگرام ب دوو هەزار كەس تێپەراندن ئەو چالاكڤان،رەوشەنبیر،نڤیسەر،سیاسەتمەدارە و هتد..،هەر كەسەكێ لایفەك ڤەكر و خەبەر گۆتنە هندەك كەساتیێن بەرنیاس یان سفكاتی ب لایەنەكێ بەرنیاس كر، ئەو چالاكڤانە و كەسەكێ وێرەكە و حسابێ بۆ چ تشان نەكەت، لێ كارەسات ئەوە ئەو كەس یێ (24)دەمژمێرا خەبەرا دبێژتە خەلكێ و نزانت چ دبێژت،زێدەتر ژ دەهـ هەزار كەسان بینەریا وی دكن و بتریا وان كەسان ل كۆمێنتادا پشكداریێ دكن و ئەوی ب گیڤارا و ئەفلاتون و رزگاركەرێ چەرخێ(21)ـێ ناڤ دكن، ئەرێ مانە پێتڤی یە چاڤدێری لسەر ڤان كەسان بێتەكرن،ئەڤێن ڤان جۆرە لایفێن بێ بنەما ڤەدكن و ئەقلێ تاكێن جڤاكی تێكددەن.. و سەرەنجا ب هەزاران خەلكی بۆ خۆ رادكێشن، ئەگەر ئەڤ دیاردە وەسا بەردەوام بت، چارەنڤیسێ دەهـ هەزار كەسان دێ بەرەف كوڤە چت؟!! ما نە جیێ گۆمانێ یە، ئەم بێژن هەر دەهـ هەزار كەسان نەخۆشیێن دەروونی هەنە! ئەرێ ما نە قەبحەتە كەسەكێ (24) دەمژمێران د لایفی دا خەبەران و سفكاتیێ ب خەلكێ بكت و ب وان خەبەرێن خۆ كارتێكرنێ ل دەهـ هەزار كەسان بكت، ئەرێ ئەو كەسێن ڤان جۆرە لایفا ڤەدكن، ئەو هزر دكن ئەو رەخنەیا دگرن ،ما كەنگی و ل كێدەرێ رەخنە بوویە كەسەك د لایفەكی دا خەبەران بێژت؟ ما رەخنە ئەوە كەسەك بێ رێزیێ بكت؟ ئەو ئاخفتنێن ل وان لایفاندا دئێنە گۆتن، نە ژ نێزیك و نە ژ دوور چ پەیوەندی ب رەخنێ ڤە نینە و چ رەخنە ب وی شێوەی نینن، ژبلی نەساخلەمیەكا دەروونی ئەو تشتێن ل وان لایفاندا دئێتە گۆتن چ تشتێ دی ژبلێ بێ مفایێ نینە!.. ،رەخنەگر دڤێت یێ راستگۆ بت، یێ خودان ب ئەخلاق بت، شارەزایی دپرانیا بوارێن ژیانێ دا هەبت، دەمێ د ئاخڤت بزانی چ دبێژت،و ل دەمێ رەخنەیێ ل دیاردەكا شاش دگرت، چ ئەو دیاردا یا ئەدەبی بت یان هۆنەری یان جڤاكی یان سیاسی و …هتد،دڤێت رێیێن چاوانیا چارەسەركرنا وان ژی بەرچاڤ بكت، دڤێت شارەزایەكا باش دەربارەی زانستێن مرۆڤایەتی و مرۆڤ دۆستیێ دا هەبت، خودان ئاستەكێ بلند یێ مەعریفی و فەلسەفی بت، هەر وەكو هۆزانڤانێ مەزنێ كورد (حاجی قادرێ كویی) ئاخفتنا رەخنەگران ب سەرافێ زێر و زیڤی ب ناڤ دكت… .
چاوا بتنێ زێرنگەر بهایێ زێری دزانت و خودانێ زیڤی بهایێ زیڤی دزانت، وەسان ژی رەخنەگر بتنێ بهایێ رەخنێ دزانت،ما ژ كوڤە ئەوێ د لایفەكی دە (24) دەمژمێران خەبەران بێژتە خەلكی رەخنەگرە؟ ما ژ كوڤە چالاكڤانە! ئەگەر ئەم ب هوربین بین و بەرێ خۆبدەینێ، ل سەرانسەری جیهانێ چاوان دانپێدان ب وی كەسی دئێتەكرن، ئەوێ بڤێت یان د شیانێن ویدا هەبت ببتە چالاكڤان دێ گەلەك خالێن گرنگ هەبن، كو ب چ رەنگان و ب چ شێوەیان دگەل ڤان كەسێن لایفا ڤەدكن و خەبەران دبێژنە خەلكی نە گونجن.
تُتاح هذه الصورة أيضا في: کوردی