جەعفەر سمۆ/ دهۆک
بەڕاستی، ئەو ڕەفتارانەی (بەڕێز ) شاسوار عەبدولواحید سەرۆکی جوڵانەوەی نەوەی نوێ دەیکات، سیاسەت نییە، بەڵکو بازرگانیکردنە بەدەنگی خەڵکەوە بۆ بەدیهێنانی بەرژەوەندییەکانی خۆی. من دڵنیام کە خەڵکی سلێمانی لە هەڵبژاردنەکانی داهاتوودا بەدەنگەکانیان لێپێچینەوەی لەگەڵدا دەکەن.
لە هەڵبژاردنەکانی ڕابردوودا، خۆی وەک کەسێک نیشان دا کە لە دژی دەسەڵات دەوەستێتەوە و نەهامەتییەکانی خەڵکی قۆستەوە، بەمەش متمانەی هەندێک لە دەنگدەرانی بەدەستهێنا. بەڵام راستییەژەی خەڵک دەنگیان پێنەداوە بۆ ئەوەی لە زیادکردنی ئاشکرای سیاسی (موزایەدەی سیاسی) یان بۆ بەرژەوەندیی تایبەتی خۆی بەکاریان بهێنیت، بەڵکو دەنگیان پێدا بەو هیوایەی نوێنەرایەتییان بکات و بەرگری لە مافەکانیان بکات.
لە زۆربەی چاوپێکەوتنە میدیاییەکاندا، بەردەوام هێرش دەکاتە سەر جەنابی کاک مەسرور بارزانی و پارتی دیموکراتی کوردستان. ئایا درک بەوە دەکات کە هەرجارێک بەو شێوازە قسە دەکات، هەستی زۆرینەی زیاتر هاوڵاتیانی کوردستان بریندار کە دەنگیان بەو ڕێبازە سیاسییە داوە؟
ئاخر جیاوازیی سیاسی نابێت بگۆڕێت بۆ بێڕێزی، یان گوتارێک کە دووبەرەکی و لێکترازان لە نێوان ڕۆڵەکانی گەلدا دروست بکات.
پاراستنی قەوارەی هەرێمی کوردستان؛ بەرپرسیارێتیی هەمووانە، هیچ کەسێکیش مافی ئەوەی نییە ببێتە هۆکار بۆ لاوازکردنی، یان خستنە مەترسییەوەی ئەم قەوارەیە، هەرێمی کوردستان بەدروشم بنیاد نەنراوە، بەڵکو بەخوێنی شەهیدان و قوربانیدانی پاڵەوانانی پێشمەرگە و ڕەنجی گەلی کوردستان دروست بووە، بۆیە شایستەی ئەوەیە، بەڵکو ئەرکی نیشتیمانییە بپارێزرێت و پاسەوانی لێ بکرێت، نەک بکرێتە کارتێک بۆ سازشی سیاسی.
پەیامم بۆ تۆ، کاک شاسوار: خۆت مەخەرە دۆخێکی شەرمەزارکەرەوە لەبەردەم دایکی شەهیداندا و لێدوانێک مەدە کە وەک بانگەشەیەک بۆ کۆتاییهێنان بەهەرێمی کوردستان، یان زیانگەیاندن بەقەوارەکەی لێکبدرێتەوە. ئەم هەرێمە، بەقسە و دروشم دروست نەبووە، تا بەموزایەدە و سازشی سیاسی نەمێنێت.
تۆ خۆت لە چاوپێکەوتنەکانتدا دووپاتت درژردەوە: “ئەم ڤیدیۆیە هەڵبگرن”، بۆیە منیش پێت دەڵێم: ئەم پۆستە هەڵبگرە. چونکە خەڵک ئەو گرتە ڤیدیۆییانەیان پاراستووە و لە کاتی گونجاودا بۆی دەگەڕێنەوە بۆ ئەوەی بەراورد لە نێوان وتەکانت و هەڵوێستەکانتدا بکەن. مێژوو بە لێدوانی تێپەڕ نانووسرێتەوە، بەڵکو بەو هەڵوێستانە دەنووسرێتەوە کە وەک شایەدێک لەبەردەم گەل، بنەماڵەی شەهیدان و نەوەکانی داهاتوودا دەمێننەوە.
لە هەڵبژاردنەکانی داهاتوودا، خەڵک بە دەنگەکانیان لێپێچینەوەت لەگەڵ دەکەن، و سندوقی دەنگدانیش دەبێتە داوەری ڕاستەقینە بۆ هەڵوێست، لێدوان و بەڵێنەکانت.
لە کۆتاییدا پێت دەڵێم: بازرگانی لەمڕۆدا بە یەکێک لە باشترین و بەنرخترین کەرتەکانی جیهان دادەنرێت، چونکە لەسەر کار، بەرهەمهێنان و خزمەتکردنی کۆمەڵگە ڕاوەستاوە. بۆیە باشتر وابوو لە بواری بازرگانیدا کار بکەیت لەبری سیاسەت، چونکە ئەوەی تۆ دەیکەیت هیچ پەیوەندییەکی بە سیاسەتەوە نییە.
تُتاح هذه الصورة أيضا في: کوردی