هەموو مەزارگەهێن ئێزدیان ل باشیك وبەحزانێ هاتینە هەرفاندن
تۆرا لالش یا راگەهاندنێ
باژێرێ زەیتوونا باشیك تووشی خرابترین جۆرێن وێرانكرنێ بوویە ل سەر دەستێ تیرۆرستێن داعشێ،هەموو مەزارگەهێن ئێزدییا ل باشیك وبەحزانێ هاتینە هەرفاندن و زیان ب چەندین كەرتێن دی ژی كەفتیە.
داسن قەوال سلێمان،سەرۆكێ جڤاتا ناوچەدارییا باشیكێبۆ رۆژناما دەنگێ لالش دیاركر:”دماوێ دوو سال ونیڤێن بۆری دە باژێرێ زەیتوونا باشیك تووشی خرابترین جۆرێن وێرانكرنێ بوویە،بتر ژ دەه ئاڤاهیێن میری ب تەمامی هاتینە هەڕفاندن وبتر ژ 500 خانیێن ئاكنجیبوونێ هاتینە خرابكرن،نێزیكی هەزار مالا هاتینە سۆتن ژبلی ئەو خانیێن داعش تونێل دبندە چێكرین ئەوژی یێ دمەترسیێ دە ژئەگەرێ ژناڤچۆنێ وچوو مال ژشەلاندن و دزی وتالانكرنێ بێ بەهر نەبووینە،زێدەباری ڤەكرنا كونێن مەزن دناڤ مالادە ژبۆهاتن وچوونا وان ژمالەكێ بۆ یا دی،وێستگەه وتۆڕێن كارەبێ یێن ناڤخۆیی ب تەمامەتی تێكچووینە وئەو سیبایێن ئاڤێ یێن ئاڤ بۆ بەشەكێ تاخێن دەڤەرێ ژێ دچوو هاتینە تۆپبارانكرن، ماتۆری مە یێ سەرەكی یێ پرۆژێ ئاڤا اسلامی ب تەمامەتی یێ ژناڤبری وئامیرێن بنگەهێ ساخلەمیێ وشارەوانیێ وفەرمانگەهێن كارەبێ وچاندنێ كو نێزیكی 40ئامیرا لێ هەبوون وهەردوو كارگەهێن زەیتونا هەموو هاتینە تالانكرن”.
زێدەتر گۆت:”بتر ژ 60000دارێن زەیتوونا ژبەر نەئاڤدانا وان یێن كو داهاتیێ سەرەكی یێ دەڤەرێ بوون بەری سەدێن سالا هشكبووینە و چەندین كارگەهێن كو بهایێ وان ب ملیارا بوون هاتینە خرابكرن،زێدەباری تالانكرنا هەموو تشتێن جهێن بازرگانی ئەوژی نێزیكی هەزارجهێن بازرگانی بوون وبتریا وان هاتنە سۆتن وبترییا وان جهێن فرۆتنا ب كۆم بوون وبدەهێن ملیارێن دینارا تشت تێدە بوون،نائێتە ژبیركرن هەموو مەزارگەهێن ئێزدییا ل باشیك وبەحزانێ هاتینە هەرفاندن”.
تُتاح هذه الصورة أيضا في: کوردی