راگەهاندنا ئەرەبی و عێراقی ل هەمبەر تاوانێن بسەرێ ئێزدیان هاتین لسەر دەستێ داعش بێدەنگ بوویە
تۆرا لالش یا راگەهاندنێ/هەڤال عەلۆ ساڤارا
كوردێن ئێزدی پشتی تووشی مەزنترین كۆمكوژی بووین ل شنگالێ لسەر دەستێ رێكخراوا تیرۆرستی یا داعشێ،نهۆ ژ هەر دەمەكی پتر پێتڤی ب راگەهاندنێ نە بۆ ئەرشیفكرنا ڤێ تاوانا هۆڤانە بۆ وێ یەكێ دادگەها لاهای یا نێڤ دەولەتیڤان ئەرشیفان ب بەلگە ببینت و بریارێ لسەر دانا جینۆساید ناساندنا كەیسا ئێزدیان بدەت،لهەمبەر ڤان تاوانێن بسەرێ ئێزدیان هاتین راگەهاندنا ئەرەبی بگشتی و یا عێراقی بتایبەتی بێدەنگ بوویە و رۆلێ راگەهاندنا كوردی ناڤنجی بوویە بۆ ناساندنا كەیسێ.
پارێزەر(سالار فائز)دیاركر،جینۆساید دئێتە پێناسەكرن ل گۆڕ ماددا دووێ ژ رێكەفتنا نێڤدەولەتی سەر تاوانێن قركرنا كۆمەلەكێ بریتیە ژ تاوانەكا مەزن یا نێڤ دەولەتی مەرەم ژێ كوشتنا كۆمەلەكا كەسا یان ژبنبركرنا رەه و ریشالێن وان كەسا ژ هەموو ئالیان ڤە وەك رەگەز یان نەتەوە یان ئاین،بۆ نموونە( كوشتنا ئەندامێن وێ كۆمەلێ، گەهاندنا ئیشاندنەكا جەستەیی یان دەروونی بۆ ئەندامێن وێ كۆمەلێ، گەهاندنا زیانێ ببارێ ژیانا ئەندامێن وێ كۆمەلێ مەرەما هەلوەشاندنا وان بڕەنگەكێ گشتی یان پارچەكی، سەپاندنا یاسا و رێساێن قەدەغەكرنا زارۆك بوونێ ل ناڤ وێ كۆمەلێ، ڤەگوهاستنا زارۆكێن وێ كۆمەلێ بۆ ئێكا دی بزۆری)،هەروەسا كچ و ژنێن ئێزدیان وەكو( ڤیان دەخیل،نادیا موراد، فەریدا عەباس…هتد) رۆلەكی باش هەبوویەو كارینە ئێش و ئازارێن كوردێن ئێزدی بگەهینن راگەهاندنا جیهانی، هەتا كو ب هاوار وان هاتین، پتر كارینە پەیاما خەلكێ خۆ بگەهینن ژبەركو ئەو بخۆد ئێش و ئازارێن خۆ دگەهن ئەو تاوانێن هۆڤانە و راستیا تاوانێن داعشێ و بگەهینن جیهانێ پشتی ئامادەبوونا وان ل چەندین جڤاتێن نیڤ دەولەتی و كۆنگرا و پەرلەمانێن ئەورۆپی و ئەمریكی،نهۆ ژی ل عێراقێ چەكدارێن داعش ب هەزاران ئێزدیكوشتن و گرتن، هەرچەندە راگەهاندنا ئەرەبی بگشتی و یا عێراقی بتایبەتی بێدەنگ بوویە هەمبەر تاوانێن بسەرێ ئێزدیا هاتین، بەلێ ئێزدیا كێم تەرخەمی نەكریە ل ئاستێ ناڤخۆیی ونێڤدەولەتی دا.
چالاكڤان(چنار شمو قاسم)گۆت:جینۆساید ناساندنا كەیسا كوردێن ئێزدی هەر ژ دەستپێكا فەرمانا شنگالێ و هەتا نهۆ بوویە مژارا راگەهاندنا كوردی،براستی ژی راگەهاندنا كوردی بهیچ شێوەیەكی كێمتر خەم نەبوویە، سەبارەت كەیسا ئێزدیان و مالپەر و تەلەڤزیۆن و رۆژنامێن كوردی هەردەم ئەڤ بابەت ئازراندینە بۆ وێ یەكێ كو ئەم ئێزدی ژی بگەهن مافێن خۆ وەكە هەر كۆمەلگەهەكە تووشی ڤی جۆرێ توندوتیژی و گوهارتنا ئایینێ بزۆری و كوشتنا ب كۆم و گرتن و لێدان و هتد،نهۆ ژ هەر دەمەكی پتر ئەم پێتڤی ب راگەهاندنێ نە بۆ ئەرشیفكرنا ڤێ تاوانا هۆڤانە بۆ وێ یەكێ كو دادگەها نێڤ دەولەتی ئەڤان ئەرشیفان ب بەلگە ببینت و بریارێ لسەر دانا جینۆساید ناساندنا كارەساتا شنگالێ بدەت،ل دۆر راگەهاندنا ئێزدیان ل باشوورێ كوردستانێ هیچ كەنالەكێ تەلەڤزیۆنی ورادیۆیەك نینە،بتنێ هندەك پرۆگرامێن تایبەت ب ئێزدیان ل چەند كەنالێن كوردستانێ دئێن وەشاندن، لێ سەرەرایی ڤان نەخۆشیان هەتا نهۆراگەهاندنا ئێزدیان هیچ كێمترخەم نەبوویە و برێیا ڤانپرۆگرامان یێن چەند خۆلەكاكاری نە بگەهن ئاستەكێ باش، هەردیسان ئێكەمین دەزگەهێ كو ئەڤ ئەركە ئێخستی سەر ملێ خۆ پشكا راگەهاندنا بنگەهێ لالش یێ رەوشەنبیری و كۆمەلایەتی بوویەكاری هەتا ئاستەكێ باش ڤێ كارەساتێ ئەرشیف بكن،دگەل هندێ رۆلێ سازیێن نە حكومی ژبیر نەكن كو گەنجێن ئێزدی خۆ بەرپرسیار ددیتن كو ڤێ كەیسێ برێیا سازیێن نەحكومی ئەرشیف بكن و برێیا كورتە فلمان و شانۆگەریان بەلاڤ بكن،بدیتنا من ئەگەر ئەف ئەرشیف ژبۆ دادگەها لاهایی بێنە رەوانەكرن بەلگەیێن پێتڤی نە،كو ئەڤ كارەسات ب جینۆسایدوەرە ناساندن.
تُتاح هذه الصورة أيضا في: کوردی