ئەندامێ دەستەیا بلندا بنگەهێ لالش “كاوە عیدو “سەرەدانا بنگەهێ لالش ل ئەلمانیا كر
تۆرا لالش یا راگەهاندنێ
دوهی رۆژا شەمبوویێ 17ی ئادارا 2018ێ هەر ئێك ژ”كاوە عیدو خەتاری”ئەندامێ دەستەیا بلندا بنگەهێ لالش ل كوردستانێ دگەل دا پارێزەران”دارا هەولێری و نەورۆز خەتاری”سەرەدانا بنگەهێ لالش ل ئەلمانیا كرن و ب گەرمی ژبال سەرۆك و ئەندامێن بنگەهی ڤە هاتنە پێشوازیكرن.
دهەڤدیتنێ دا ئەندامێن بنگەهێ لالش ئەلمانیا بەحسێ بزاڤ و چالاكیێن بنگەهی یێن رەوشەنبیری و كۆمەلایەتی یێن هەمەرەنگ كرن ل سالێن بۆری دا،بۆ خزمەتكرنا رەڤەندا كوردستانی ب شێوەیەكی گشتی و ئێزدیا ب تایبەتی.
دتەوەرەكی دی دا “كاوە عیدو خەتاری”ئەندامێ دەستەیا بلندا بنگەهێ لالش بەحسێ كارێن دەستەیا بلند و بەرێ خۆدانا پاشەرۆژا ئێزدیا ل كوردستانێ و عێراقێ و ژ دەرڤەی وەلاتی كر،زێدەباری هەبوونا هەماهەنگیێ دناڤبەرا دەستەیا بلند و بنگەهێ لالش ل ئەلمانیا دا.
تُتاح هذه الصورة أيضا في: کوردی