ل کۆمەلگەها شاریا وركشۆپه‌ك ل دۆر هه‌وا بەرەنگاربوونا توندوتیژیا دژی ئافرەتێ ب ڕێڤه‌چوو
تۆڕا لالش:
ب هه‌لكه‌فتا هه‌وا شازده ڕۆژى يا به‌ره‌نگاربوونا توندوتيژيێ دژى ژنان و خێزانێ،ورکشۆپەکا دوو ڕۆژى ب پشكداريا 25 ئافرەتێن ئاوارە و خوه‌جهێن کۆمەلگەها شاریا ب ڕێڤه‌چوو.
ژبۆ پتر پشتەڤانی و گەشەپێدانا ئافرەتا ئێزدی،دوهى ڕۆژا ئينيێ 8ى كانوونا ئێكێ 2023ێ،بنگەهێ لالش تایێ شاریا ب هەماهەنگی دگەل ڕێکخراوا ئێمە و ڕێکخراوە نوپێل ڕابوون ب ئەنجامدانا ورکشۆپەکا دوو ڕۆژی بۆ 25 ئافرەتان، كو تێدا پارێزەر “سوزان خودێدا” باس ل چه‌ند ته‌وه‌ران كر ژ وانا ژى چاوا ئافرەت باوەری بخۆبوونێ ل نك خۆ پەیداکەت و پتر خۆ پێشبێخت ل هەمبەر ئاستەنگێن دکەڤن د ڕێيا وێ دا،توندوتیژیا ل دژی ئافرەتێ دئێتە کرن دگەل دەوروبەرێن وێ هەروەسا گەلەك نموونەیێن کەتواری ئينان زمان، مافێن وێ چنە ژ لایێ یاسایی و جڤاکی و چاوا باوەریێ ل دەڤ خۆ پەیداکەت،هەڤژینیا پێشوەخت و هەڤژینیا ب زۆری وچاوانیا سەرەدەریکرنا ئافرەتێ و زەلامی دگەل ئێك وبەردان ( طلاق ) ژلایێ یاسایی ڤە،یاسایا ڕزگاربوویێن ژنێن ئێزدی. پاشان
پاشان دەرگەهێ دانوستاندنێ وگەنگەشێ ڤەبوو و بەرسڤا هەموو پرسیارا هاتە دان.
ل داويێ ژى باوه‌رنامه ل سه‌ر پشكداران هاتنه به‌لاڤكرن و چەندین بالۆن بلندكرن ب هەلکەفتا هەوا شازدە ڕۆژی یا بەرەنگاربوونا توند و تیژیا دژی ئافرەتان.
تُتاح هذه الصورة أيضا في: کوردی