سەعید جردۆ: سەرکەفتنا لیستا 197 يانكو پێشکێشکرنا خزمەتگۆزاريان بۆ دهڤهرێن ئێزدییان
سەرۆکێ دەستەيا بلندا بنگەهێ لالش يێ ڕهوشهنبیری و کۆمەڵایەتی،سەعید جردۆ، دبێژت:ئێزدی وەك پێکهاتەیەکێ ڕەسەن يێ ڤێ ئاخێ ب هەزاران ساڵە دژیانهكا پڕ نەهامەتی و دەردەسەری ل سەر ڤێ ئاخێ دژین، نۆكه دهم هاتيە ل سەر ئاخا باب و باپیران ژیانهكا سەرفهراز و دوور ژ ناکۆکيێن سەربازی و گهفێن تیرۆری ببەنە سەر،لهوا ژبهر هندێ پارتی دیموکراتی کوردستان ب هەموو شێوەیەکى کار دکهت شنگال ببتە پارێزگههـ و پڕۆژەيێن خزمەتگۆزاری يێن ستراتیژی تێدابن تاکو خەڵکێ شەرەفمەند و وەفاداری يێ شنگالێ بكارن کار بۆ ئاڤەدانکرن و پێشخستنا وهڵاتێ خۆ بکهن، سەرۆك بارزانی هەردهم د کۆمبوونێن خۆدا ل گەڵ ئێزدیان ب گشتی و شنگالیان ب تایبەتی دوپاتيێ ل ئێکڕێزی و برایەتی و ههڤدوقهبووڵکرن و دادپەروەريێ کريە ل ناڤبهرا ئێزدیان و هەموو پێکهاتێن نەتەوەی و ئاینی.
سەعید جردۆ، بۆ ماڵپەرێ فەرمیێ پارتی دیموکراتی کوردستان گۆت: لیستا 197 ئامۆژگاری و ڕاسپاردهيێن جەنابێ سەرۆك بارزانی دکهتە دكارێ بەرنامەيێ خۆ دا بۆ دووبارە ئاڤەدانکرنا شنگالێ و قەرەبووکرنا قوربانیێن جینۆسایدا ئێزدیان، بە شانازى ڤه پارتی كاريه ب هەموو ڕەنگێن جیاواز ئاین و نەتەوان ل ژێر سێبەر و عەدالەتا بارزان کۆم بکهت،ئێزدى پێکهاتەیەکێ هەرە دیارن ل تابلۆيا ڕەنگینا پێکهاتێن کوردستانێ و عیراقێ دا، ل دهمێ نڤيسینا دەستوورێ هەمیشەیێ عێراقێ دا ل سالا 2005 سەرۆك بارزانی پشتهڤانيهكا مهزن و بێ سنوور بۆ دیارکرنا ناڤێ ئاینێ ئێزدیان کر و تایبەتمەنديا ئێزدیان وەكو ئاینهكێ ڕەسەنێ کوردستانێ و عێراقێ ناساند بۆ هندێ دپاراستى بن و ئێزدی ئازادانە ڕێوڕسمێن خۆ بگێڕن و نهڤيێن وان ل هەموو قۆناغێن خووندنێ دا ئاین و فەلسەفەيا تێکستێن خۆ بخوونن.
وەک جردۆ دبێژت: پارتی هەردهم کاردکهت ئێزدی و هەموو پێکهاتێن دی مافێن وان د چارچۆڤێ یاسايێ دا دابین بکهت، دادپەروەرييا جڤاکی ڕوکنهکێ سەرەکى یە ل خەباتا پارتی و ڕێبازا بارزانی، دڤى بوارى دا ئێزدی و هەموو پێکهاتە بێ جیاوازی د ئەرك و مافێن خۆ دا یەکسان بن داكو شانازيێ ب ناسنامه و نیشتمانێ خۆ بکەن ڕۆژهكێ ژ ڕۆژان هەست پشتگوهـ هاڤێتنێ نەکەن.
سەرۆکێ دەستەيا بلندا بنگەهێ لالش ئاماژە كر: سەرکەفتنا لیستا 197يانكو پێشکێشکرنا خزمەتگۆزاريان بۆ دهڤهرێن ئێزدییان و هەموو پارێزگهها مووسڵ.
جردۆ ئەو ژى ل بيرئيما دهمێ سەرۆك بارزانی دفەرمووت: یان مللەتهك نینە بناڤێ کورد، یان ڕەسەنترین کورد ئێزدینە، دبێژت: نەكو بۆ حورمەتا کەسهكى وهسا گۆتيه، بەڵکو وەك ڕاستییەکا مێژوویی و ب بەڵگە و پشت ب ژێدهرێن دیار كرى،چنکو ئێزدیان کەلتۆر و زمان و دیرۆکا خۆ يا كهڤنار پاراستيە، ل پێناڤى وێ تێکۆشينا پیرۆز يا ڕووبڕووی ب دەهان کۆمەڵکوژی و قڕکرنێ بووين و ب هەزاران جەنگاوەر کرينه قوربانی، هەر ژ دامەزراندنا پارتی و تا نۆكه خۆ ب پشتهڤانێ مافێ ئێزدیان و هەموو پێکهاتێن کوردستانێ دزانن.
سەرۆکێ دەستەيا بلندا بنگەهێ لالش ل داويێ ژى گۆت: ئازادکرنا شنگالێ ل سەر دەستێ پێشمەرگەيێن قارەمان ب دوو قۆناغان و ب سەرپەرشتيا سەرۆك بارزانی، ديدهڤانن بۆ سۆز و پەیمانێن سەرۆك بارزانی کو دڤيا سهرێ وان تیرۆرستان بکەفتە ل ژێر لنگێ دهیك و خوشێن ئێزدى ئهوێن هاتيه گرتن،پارتی سەربەرزە و دزانت ئێزدی دێ دەنگێ خۆ دەنە لیستا(197) ليستا ئارامی و ئاڤەدانی و خزمەتگۆزاريان و خوونا شەهیدان و پێکڤەژیانێ.
تُتاح هذه الصورة أيضا في: کوردی