دەمژمێرا دەستی یا ئەپڵ واچ ژ بەرپرسێن بریتانیا هاتە قەدەغەکرن
ئێن ئارتى
رۆژناما تەلگەراف یا بریتانی بەلاڤکر، دەمژمێرا دەستی یا ئەپڵ واچ ژ بەرپرسێن بریتانیا هاتە قەدەغەکرن، سەدەم ژی بۆ مەترسیا هاککرنا وێ دەمژمێری ڤەگەراندن ژئالیێ سیخورێن روسیا ڤە.
ژێدەرەک ژ حکومەتا بریتانیا ب رۆژناما تەلەگراف راگەهاندیە، حکومەتا روسیا هەولا هاککرنا هەمی تشتەکی ددەت، ژبەر مەترسیا هاککرنا مایکێ وێ دەمژمێرێ، د کۆمبوونێن داخستی دا بریار هاتیە دان ئەوی دەژمێری ل بەرپرسان بێتە قەدەغەکرن.
ئەڤە ژی د دەمەکی دایە کو مۆبایل د ناڤا کۆمبونێن بەرپرسێن حکومەتێ دا قەدەغەیە، ب گوتنا چاڤدێران ژی قەدەغەکرنا دەمژمێرێن زیرەک بریارەکا چاڤەرێ کری بویە چونکی جهێ مەترسیێ بویە.
هەفتیا رابهوری حکومەتا ئەمریکا ب فەرمی حکومەتا روسیا ب دەستێوەردان د هاککرنا کۆمسیۆنا بلندا هەلبژاردنێن سەرۆکاتیا ئەمریکا دا تۆمەتبار کر.
هەڤەدەم حکومەتا ئوسترالیا ژبەر ئەگەرێن ئەمنی، دەمژێرا ئەپڵ واچ د کۆمبونێن بەرپرسێن حکومەتێ دا قەدەغەکریە.
تُتاح هذه الصورة أيضا في: کوردی