تۆرا لالـش
ئیرۆ ڕۆژا ئێكشهمبوویێ (30ی ئابا 2026)، ل هۆلا شێخ شامۆ ل بنگەهێ لالش، ب ئامادەبوونا كهریم سلێمان شێورمهندێ سهرۆكێ حكومهتا ههرێما كوردستانێ مهسرور بارزانی، نازم ههركی بهرپرسێ لقا هڤده یا پارتی دیموكراتی كوردستان و هژمارەکا ڕەوشەنبیر، ئەکادیمی، كهسایهتیێن ئۆلی و جڤاكی و سیاسی، میدیاکار و چالاکڤانان، ڕێورەسمێن ناساندن و ئیمزاکرن و بەلاڤکرنا سێ پەرتووکێن نوو یێن وەشانێن بنگەهی هاتنە بڕێڤەبرن.
ل دهستپێكێ كاروان باعهدری بهرپرسێ پشكا ڕاگههاندنێ ل بنگههێ لالش داخواز ژ ئامادهبووییان كر خۆلهكهكێ وهكو ڕێزگرتن بۆ گیانێ پاكێ شههیدان و سهروهرێ وان بارزانیێ نهمر و كاك ئهدریسێ ههردهم ساخ ب سهكنن و ئامادهبووی خۆلهكهكێ سهكنین. دووڤده سهعید جردۆ سهعید جردۆ سهرۆكێ بنگههێ لالش پهیڤا بخێرهاتنێ پێشكێشكر و ب خێرهاتنا ئامادهبوویان كر.
ئەڤ چالاکیە د چارچۆڤێ بەردەوامییا بزاڤ و گرنگیپێدانا بنگەهێ لالش ب کەیسا جینۆسایدا ئێزدیان و دیکیۆمێنتکرنا تاوانێن تیرۆرێ دابوو، د ڤی پەنەلێ ڕەوشەنبیری دا ئەڤ پەرتووکێن ل خوارێ هاتنە ناساندن:
1- الناجيات الايزيديات من أسر داعش – نڤیسینا: د. جیهان حوسێن
2- العنف الجنسي في النزاعات والسياسة الاجتماعية – نڤیسینا: د. سومیە سەعید
3- شهادات من جينوسايد الايزيديين – بەرهەمەکێ هەڤپشکێ نڤیسەران: (دەخیل نایف، شوکری ڕەشید، مەڕوان شێخ حەسەن، و داود موراد).
د پهنهلی دا، نڤیسهرێن ههر سێ پهرتووكان ب ئاوایهكی جودا پوختهیهكا كورت ل دۆر ناڤهرۆك و گرنگییا بهرههمێن خۆ پێشكێش كرن.
ل داوییا ڤان ڕێورەسمان دا، زێدەباری ئیمزاکرن و دابەشکرنا بەرهەمان ل سەر ئامادەبوویان، خەلات و ڕێزلێنان پێشکێشی نڤیسەر و ڤەکۆلەرێن ڤان پەرتووکان هاتنە کرن وەکو ڕێزگرتنەک بۆ ماندووبوون و خزمەتا وان یا ئەکادیمی.
تێ زانین ئهڤ پهنهله ژ ئالیێ (د.فارس كتی) ئهندامێ دهستهكا بلند یا بنگههێ لالش یێ ڕهوشهنبیری و كۆمهلایهتی هاته ب ڕێڤهبرن.
تُتاح هذه الصورة أيضا في: کوردی