فراکسیۆنا پارتی: رەنگە هەلبژاردن ل عێراقێ نێنه كرن و ماوێ پەرلەمانى بێته درێژکرن
باسنيوز:
سەرۆکی فراکسیۆنی پارتی دیموکراتی کوردستان، لە ئەنجومەنی نوێنەرانی عێراق، ئاماژە بەوە دەکات، رەنگە هەڵبژاردن لە عێراق نەکرێت، چونکە دۆخی ناوچەکە رێگا بەوە نادات ئەو هەڵبژاردنە بکرێت.
عەرەفات کەرەم، بۆ (باسنیوز)گوتی: “بریاردراوە هەڵبژاردنی پارێزگاکان لە عێراق نەکرێت چونکە بەشێکیان گیرۆدەی دەستی داعش و ئاوارەبوون، بۆ هەڵبژاردنی پەرلەمانیش ئەگەر دۆخەکە بەم شێوە بڕوات رەنگە هەڵبژاردن نەکرێت، چونکە هێشتا دۆخی عێراق نەگەیشتوەتەوە باری ئاسایی خۆی بۆیە رەنگە لە ئەگەرێکدا وەک لوبنان ماوەی پەرلەمان درێژ بکرێتەوە، ئێستاش دەوڵەتی یاسا لەگەڵ ئەوەدانین چونکە دەلێن دەبێت هەڵبژاردن بکرێت وەک خۆیان دەلێن لەبەر ئەوەی غەدریان لێکراوە و سەرۆک وەزیرانی عێراقیان لەدەست داوە”.
ئەوەشی خستەروو، تائێستا هەرێمی کوردستان بڕیاری نەداوە بەشداری لە هەڵبژاردن بکات یان نا وەک پارتی دیموکراتی کوردستان بڕیاری خۆمان نەداوە ئەگەر ئاوا بڕوات بەشداری ناکەین، چونکە مەرجمان هەیە ئەویش دەسکاری یاسایی هەڵبژاردنەکان بکرێت.
تُتاح هذه الصورة أيضا في: کوردی