بەرھەڤی بۆ ئەنجامدانا ریفراندۆمێ دبەردەوامن
بادينان سات
تنێ ماوێ ھەیڤەکێ بو ئەنجامدانا گشت پرسیا ھەرێما کوردستانێ مایە و ھەتا نوکە یەکەیێن ئیداریێن دەڤەرێن کوردستانیێن ژدەرڤەی ئیدارا ھەرێمێ ب فەرمی داخواز ژ کومیتا بلندا ریفراندومێ نەکریە کو راپرسی ل وان دەڤەرا بھێتە ئەنجامدان. سەرۆکێ دەستەیا دەڤەرێن ژدەرڤەی ئیدارا ھەرێمێ داخواز کریە کو گەرەنتیێن باشتر ژلایێ جڤاتا بلند ڤە بھێنە دان سەبارەت بسەرکەفتنا پروسا ریفراندومێ ل وان دەڤەرا و بتایبەتی ژی پێکھاتێن نەتەوی و ئایینی بھێنە پشت راست کرن کو مافێن وان دێ دپاراستی بن د چارچووڤێ دەولەتا کوردی دا.
ژلایێ خۆڤە رۆمیو ھەکاری ئەندامێ جڤاتا بلندا ریفراندومێ دووپات کر، کو راپرسی دێ ل دەڤەرێن دەرڤەی ئیدارا ھەرێما کوردستانێ ھێتە ئەنجامدان، و ئەو پرسە بەشەکێ سەرەکیێ دان و ستاندنێن شاندێ ھەرێمێ بوو دگەل حکومەتا بەغدا.
تُتاح هذه الصورة أيضا في: کوردی