فراکسیۆنا پارتی ھێرشێن تورکیا شەرمزار کرن
WAAR-دهۆك:
فراکسیۆنا پارتی دیمۆکراتی کوردستان ھێرشین فرۆکەیێن تورکیا ل ناڤا سنۆرێن ھەرێما کوردستانێ شەرمزار کرن و راگەھاند؛ چو بەھانە بۆ بۆمبەبارانکرنا خەلکێ سڤیل نینن.
فراکسیۆنا پارتی د پەرلەمانێ کوردستانێ دا د بەیانەکێ دا راگەھاند؛ ئەو ب تۆندی ھێرشین فرۆکەیێن تورکیا یێن دوھی ل دەڤەرا دێرەلۆکێ سەر ب ئامێدیێ ڤە ھاتنیە کرن شەرمزار دکەن.
راگەھاند ژی؛ پێدڤییە ئەو ھێزێن بووینە بەھانە بۆ ھێرشێن فرۆکەیێن تورکیا، هه‌ڤركییا خوە نەکەنە ئەگەر کو زێدەتر خەلکێ سڤیل و گوندییێن ھەرێما کوردستانێ ببن قوربانی.
دوھی چەند گەنجێن ناڤچەدارییا دێرەلۆکێ ژبۆ راڤا ماسیا چوبوون پشتا گەلیێ رەشاڤە، ژ ئالیێ فرۆکەیێن شەرکەرێن تورکیا ڤە ھاتن بۆمبەباران کرن، ل گۆری ئامارێن دەستپێکی ژی پێنج گەنج شەھید بووینە.
تُتاح هذه الصورة أيضا في: کوردی