بێكاریێ كارتێكرن كریە سەر جڤاكی
تۆرا لالش یا راگەهاندنێ/جوان عزەت
پشتی پەیدابوونا قەیرانا دارایی ل هەرێما كوردستانێ و كێمبوونا مووچەیێ فەرمانبەران باندۆرا خۆ كریە سەر ژیانا فەرمانبەران،هەڤدەم ژی بێكاریێ كارتێكرن كریە سەر ژیانا جڤاكی،ڤەكۆلەرەكێ جڤاكی ژی دبێژت:پێتڤیە حكوومەت پلانەكا ستراتیژی ب دانت و دەلیڤێن كاری بۆ تاكی دابین بكت.
(ڤەهین سعدولله) دەرچوویا زانكۆیێ یە دبێژت:ئەڤە بۆ ماوێ چار سالایە ل مالم چ دەواما ناكەم و ئەگەرێ بێكاریێ دزڤرینم ژبۆ سیستەمێن سیاسی یێن حكوومەتێ،ژبەركو هەر مللەتەكی و وەلاتەكێ سیاسەتەك رێكخستی هەیە،داهات ژبۆ وەلاتێن پێشكەفتی جیێ داهێنانا هزری یە،بەلێ مخابن وەلاتێن پاشكەفتی كارێن بازرگانی و وەبەرهەمهێنانێ و پرۆژەیێن گەشتیاری وچاندنێ و…هتد،ب شێوەیەكی رێژەداری وەرناگرین،بەلكو هەموو لسەر چاوانیا میلاك و بریاردانا سیستەمێن حكوومی یە،چنكو ل وەلاتێن پێشكەفتی كەسێن بیرمەندو شارەزا د بواریێن جودا جودا دە دبنە خودان كەرت و پرۆژەیێن تایبەت،لەورا رێژەیا بێكاریێ د وان وەلاتان دا یا كێمە.
هەروەسا(ئەلند)گەنجەكێ خودان دەوامە پێداچوو،فەرمانبەر و خودان كارم ،هەر چەندە مووچێ من یێ باشبوو،من دكاری ژیارا خۆ یا رۆژانە پێ دابین بكەم،لێ پشتی قەیران پەیدابووین بەشەك ژ مووچەی هاتە برین،لەورا ژیارا مە ب زەحمەت كەفتیە هەتا وەلێ هاتیە ئەم نكارن پێتڤیێن خۆ ژی ب وی مووچێ مای دابین بكەین،گۆتژی هەر قەیرانەكا ل وەلاتێن پێشكەفتی بێتە ئەنجام دان،ماوێ وێ قەیرانێ ژبۆ شەش هەیڤان زێدەتر نابۆرت لێ مخابن ل وەلاتێ مە ئێدی هەر تشت بوویە ئەگەرێ ژناڤبرنا ژیان و داهاتوویێ مە،لەوا پێتڤیە جیێن بلند ل رێگە چارەسەریان بگەرن داكو خەلك بەرەف سەقایەكێ ئارام دا بچت،ئەگەر ئەڤ كێشە چارە نەبت دوورنینە پرانیا خەلكێ ب نەچاری ڤە قەستا دەرڤەی وەلاتی بكن.
سەبارەت بێكاریێ ڤەكۆلەرێ جڤاكی(حەیدەر قاسم)دیاركر،بێكاریێ كارتێكرنەكا زۆر كریە سەر ژیانا جڤاكی ب تایبەت ژلایێ دەرونی و هزری ڤە بوویە، باندۆرا هەری مەزن هەتا وی ئاستی كو خەلك تووشی زیانا كەئابێ، ماندی بوون، بێن تەنگیێ و…هتد ببت، ژلایەكێ دنڤە بێكاری هزرا تاكی بەر ب گهۆرین و كارێن زیانی دا دبت و زال دبت لسەر كو دەست ب كارێن خراپ بكت، مینا كارێ كوشتن، بێ ئەخلاقی و چوونا دەرڤەی وەلاتی…هتد،ئێك ژ فاكتەرێن بێكاریێ نەبوونا دەلیڤەیا كاری یە ژلایێ حكوومەتێ ڤە،چنكو حكوومەت گرنگیێ ددەتە داهات و كەرتێن دەرڤەی وەلاتی، هەروەسا نەبوونا گرنگیپێدانا كەرتێن تایبەت و چاندن و خزمەتكاری و پترۆلێ ئەڤە هەموو دبنە ئەگەر كو تاك ب مینت بێكار،دەربارەی چارەسەریێ ئاشكەراكر، چارەسەریەكا ئاشكەرا یا هەی بۆ ڤان كێشا،ئەوژی پێتڤیە حكوومەت پلانەكا ستراتیژی ب دانت پاشی دەلیڤێن كاری بۆ تاكی ب شێوازێ دانانا پلانەكا رێكخستی بێنە دابینكرن ژلایێ زانستی، ئابووری ،كۆمەلایەتی و…هتد،زێدەباری كو ژ هەموو لایان ڤە گرنگی ب فێركرنا فیزیكی بێتە دان،داكو ئاریشێن بێكاریێ بن بربن و تاك ژی مفای ژ كەرتێن ناڤخۆیی ستراكترا وەلاتی ب بینت.
تُتاح هذه الصورة أيضا في: کوردی