ژیانا خوە یا ھەڤژینیێ ژ بێزاریێ دوور بکەن
ئەڤرو:
ل دەستپێکا ژیانا ھەڤژینیێ ھەموو تشت دلخوشکە ر و نوونە، بەلێ بەردەوام دوبارەبونا چالاکیێن روژانە ب ئێک شێواز ھەڤژینان بێزار دکەت، گەلەک تشت دبنە روتین کو رەنگە ئەڤ چەندە ژی کارتێکرنێ ل سەر ژیانا ھەڤژینان دروست بکەت، لێ ب ڤان رێیان ھوون دشێن ژیانا خوە یا ھەڤژینیێ نوو بکەن.
١.نە راوستە ژ بەرپرساتیا ھەڤژینیێ:
چەند ھەڤژین ل گەل ئێکدو بژین ھندەک زانیاری ھەنە دەربارەی ژیانا ھەڤژینیێ کو ھێشتا نزانن، ئەڤجا بەردەوام پرسیارا ژ ئێکدو بکەن و چیروکێن ژیانا خوە بو ئێکدو بەحس بکەن.
٢.سوپرایزا بو ئێکدو بکەن:
ھەموو کەس حەز دکەن کو کەسێن نێزیکی وان گرنگیێ پێ بدەن و ل بیرا وان بیت، رەنگە کرینا گولەکێ گەلەک تشتا ژ پەیوەندیا ھەوە بگوھوریت.
٣. زمانێ ڤیانێ بکار بینن:
باشترین رێک بو ھندێ کو سەرەدەریێ ل گەل کەسەکی بکەی ئەوە کو ب وی شیوازی سەرەدەریێ ل گەل بکەی یێ وی دڤێت، نەک ئەو شێوازێ تە دڤێت، د ھەڤژینیێ بگەھە و بزانە یەنێ بەرامبەر ب چ دلخوش دبیت تو ژی ب وی رەنگی سەرەدەریێ ل گەل بکە.
٤.روتینا روژانە تێک بدە:
بەردەوام دوبارەبونا روتینێ ب ئێک شێواز بێزارکەرە رێستورانتێن جیاواز کارێن جیاواز یاری و جھێن جیاواز پەیدا بکەن بو ھندێ داکو گوھورینان ئەنجام بدەن.
٥.ئارمانجان بو پەیوەندیا خوە بدانن:
بتنێ ئارمانجان بو خوە نەدانە، بەلکو ئارمانجا بو پەیوەندیا خوە بدانن کا ھەوە دڤێت بگەھیتە کیڤە پێکڤە بزاڤێ بو بکەن و پالپشتیا ئێکدو بکەن.
٦. پتر بەحسێ ژیانا خوە بکە:
گەر تە ھەست کر ژیانا تە یا بێزارکەرە بزاڤێ بکە پیچەک پتر ژیانا خوە بو خوشتڤیا یان خوشتڤیێ خوە بەحس بکە چالاکی و سەرھاتیێن ژیانا روژانە بو ئێکدو بێژن و ھەستێن خوە لێک بگوھورن.
تُتاح هذه الصورة أيضا في: کوردی