بێلندێن پیرافات ( دبێژنێ بێلندێن پيرا)
مههدى حهسهن موراد
جەژنا عیدا بێلندێن پیڕافات دبێژنێ (پێلندێن پیرا) چەژنەكا كەڤن بەرى ھاتنا شێخادى ئەڤ جەژن و پيرانى ھەبيە وەك ئەركەكى ئۆلى ھەر سال ئەڤ جەژن دئێتە گێڕان ل ھەفتیا ئێكێ ژ چلێ زڤستانێ ل نك پیرێن پیرافات و مجێوڕێن پیرافات ب چەند ڕێوڕەسما ل مالا مجێورێ پیرافات و ل ھەر گوند و جیەكی نيشانێن پيرافات ھەبن ئەڤ پير ڤان رێورەسما د گێرن ،ئەڤ رێورەسم ھەر ژ كەڤن دا ھەبينە دگەل پيرانيێ بەر ھاتنا شيخادى گيانێ من گورى ، ھەر بۆ زانين دوو جۆرێن ڤان پێلندا ھەينە ئێك د بێژنێ بێلندێن مالا پيرا ئەڤ بێلندێن ئەم بەحس دكەين وئێك بێلندێن گشتى يێن مللەتى ھەميێ كو پشتى ئينيەكا دى ژ بێلندێن پيرا دئێن بەلێچەند رێورەسمێن تايبەت ھەنە د جوداھيى ڤێ جەژنا بێلندێن پيرافات ، ژبەركو مەزاڕگەھێ پیرافات ل گوندێ مەھەتێ ھەیا ئەڤ جەژن ل گوندی مەھەتێ دئێتە گێرن و رێورەسم ژى بڤی ڕەنگی نە:
١- ل ھێڤاریا عیدێ چڕا یێ خاسێن گوندی دئێتە ھلكرن و ھەر مالەكا پیرێن پیرافات ھەبت چڕای ھلدكەن.
٢- خەلكێ گوندی و باب چاك و كەسانێن ئاینی قەستا مالا مجێورێ گوندی دكەن و ول جيەكى ڤەخردبن ژ بەركو قەول و قەسیدە وخزێموك دئێنە گۆتن ژلايێ كەسانێن ئاينى ڤە و كوچەك د كەڤت ل دەفتەرا خودا دنێرت بۆ ئێزدياتيێ ل وێ شەڤێ ھەتا بەرێ سپێدێ نابت كەس بنڤبت دڤێت ئەڤێن بەشدارى ڤێ ھێڤاريا جەژنێ ببن.
٣- سپێدا ڤێ ڕۆژێ سمات د بێژنێ (كەشكا مالا پیرا)دئێتە دڕوست كڕن ل مالا مجێوری و ل سەڕ گوندیا دئێتە بەلاڤكرن ژ لايێ كچكێن بوكر ڤە.
٤- دیسا سبەیكێ خەلكێ گوندی قەستا مالا مجێوەری دكەن ژبۆ پیڕۆزباھیا جەژنێ ل مالا مجێوری و ل ئێك و دوو و پێكڤە سماتێ و شریناھیێ دخۆن.
تُتاح هذه الصورة أيضا في: کوردی