چالاكڤانەك:ژنێن رزگاربوویی ل كەمپان پێتڤی هاریكاریانە
تۆرا لالش یا راگەهاندنێ/بەختیار قادر
چالاكڤانەكا ئێزدی دبێژت،كچ و ژنێن ئێزدی یێن رزگاربوویی ژ دەستێ داعشێ یێن ل كەمپان دا ئاكنجی،دبارەكێ نەخۆش دا دژین و پێتڤی هەموو جۆرێن هاریكاریێن مادی و مەعنه وى نه.هەدیە حسێن،چالاكڤانا ئێزدی دبوارێ ژنێ دا،بۆ(تۆرا لالش یا راگەهاندنێ) دیاركر:”ژنا ئێزدی بارێ هەری گران هەردەم ل سەر ملێت وێ بوویە،نەخاسمە ل وان كارەساتێن ب سەرێ ئێزدیان دا هاتین وب تایبەت كارەساتا شنگال كو نهۆ ژمارەیەكا زۆر ژوانا ئەون ل كەمپان دا دژین یێت ژدەستێن تیرۆرستێن داعشێ رزگاربووین و دبارەكێ گەلەكێ نەخۆش دا دژین و پێتڤی هەموو جۆرێن هاریكاریێن مادی ومەعنەوی نە”.
چالاكڤانێ ئەو ژی گۆت:”هەروەسا ژمارەكا زۆر ژوانا ئەون یێت كور و هەڤژینێن خۆ ژ دەست داینە،نهۆ پشت بخۆ بەستینە،ژبۆ دابینكرنا پێتڤیێن ژیانێ وژ دەر وان بارودۆخێن نەخۆش یێن ژیانا كەمپا”.
ئەڤ چالاكڤانە دبێژت ژی ئەڤ ژنێن ئێزدی پێتڤی هاریكاریێ نە چ ب ڤەكرنا خۆلێن فێركرنا كارێن دەستی و دروارێ و چێكرنا شریناهیان بت،داكو ببنە ژێدەرەكێ دارایی ژبۆ دابینكرنا پێتڤیێن ژیانا رۆژانەیا خێزانێن وان.
تُتاح هذه الصورة أيضا في: کوردی