رێڤەبەرێ ناوچەیا زوومارێ پەسنا رۆلێ بنگەهێ لالش دكت 
تۆرا لالش یا راگەهاندنێ
دسەرەدانەكێ دا بۆ دەستەیا بلندا بنگەهێ لالش،”ئەحمەد جەعفەر”رێڤەبەرێ ناوچەیا زوومارێ پەسنا رۆلێ بنگەهی كر ژ ئالیێ رەوشەنبیری و جڤاكی و پێكڤەژیانا ئاشتیێ ڤە،دووپاتكر چالاكیێن بنگەهى جهێ شانازیێ نە.
د دیدارەكێ دا،رێڤەبەرێ ناوچەیا زوومارێ داخواز ژ”شێخ شامۆ”سەرۆكێ بنگەهێ لالش كر چالاكیان ل دەڤەرا زوومار بگێرن و دووپاتكر كو بنگەهێ لالش رۆلەكێ ئەكتیف و كارا بۆ پێكڤەژیانا ئاشتیێ هەیە و ژ “شێخ شامۆ” خواست سەرەدانا وێ دەڤەرێ بكت.
ژئالیێ خۆڤە”شێخ شامۆ”خۆشحالیا خۆ ل هەمبەری ڤێ سەرەدانێ دەربری و دووپاتكر كو دەگەهێ بنگەهی یێ ڤەكریە بۆ هەر ئێكی هەول بدەت پێكڤەژیانا ئاشتیێ ب هێز بكت،رۆنكر ژی كو زوومار و شنگال باژێرێن رەسەنن ب مێژوویا خۆ ل بوارێ پێكڤەژیانێ و لێبۆرینێ دا.
سەرۆكێ بنگەهێ لالش دووپاتكر،كو نەهێلن هەر خاینەك دەرزەكێ دناڤبەرا مە بكەتن.
بنگەهێ لالش 50پەرتووك و گۆڤار و چاپەمەنیێن بنگەهی پێشكێشی رێڤەبەرێ ناوچەیا زوومارێ كرن.
تُتاح هذه الصورة أيضا في: کوردی