گرێدانا سمینارەكێ ل دۆر چاوانیا خۆ گونجاندنا كچێ دگەل جڤاكی
تۆرا لالش یا راگەهاندنێ
نڤیسینگەها لالش ل دێرەبوونێ ب هەماهەنگی دگەل رێكخراوا هیومانتی یا چالاكیێت مەدەنی،ب گرێدانا سمینارەكێ بۆ چالاكڤان خانم”پەیمان خێری” ل دۆر(چاوانیا خۆ گونجاندنا كچێ دگەل جڤاكی بۆ پێشخستنا شیان وبەهرەیا خۆ) رابوون.
ئیرۆ رۆژا چارشەمبوویێ 24ئابا 2016،ب ئامادەبوونا 20خانمێن دەڤەرێ،نڤیسینگەها لالش ل دێرەبوونێ ب هەماهەنگی دگەل رێكخراوا هیومانتی یا چالاكیێت مەدەنی،سمینارەك بۆ چالاكڤان خانم”پەیمان خێری” ل هۆلا لالش دێرەبوونێ گرێدا،كو تێدا چالاكڤانێ ب درێژاهی بەحسێ وان گرێیان كر ئەوێن دكەڤن رێیا خانما دە بۆ پێشخستنا شیانێن وێ ، تەكەز ل هندێ ژی كر جڤاكێ ئاڤاكەر و ساخلەم دروست دبت ژ نەهێلانا وان گریێن ل پێشیا كچێ پەیدادبن ل همبەری پێشخستنا شیانێت وێ،ژبەركو هەردوو رەگەز دبن تمامكەرێن ئێك بۆ ئاڤاكرنا جڤاكەكێ سەركەفتی.
چالاكڤانێ بەحسێ وێ چەندێ ژى كر و گۆت:”دڤێت كچ خۆ بدانێت پشكەك ژجڤاك و هەولا خۆ گونجاندنێ ژی بكت دناڤا وێ ژیوارێ تێدا دژیت،ل ژ ناڤبەرا هەر جار دیوارا دەركەفت بۆ مفاوەرگرتن ژ ژیانا ئیرۆ و ب هیڤی وئومێدی كارێ خۆ بكت بۆ هەبوونا پاشەرۆژەكێ دژیانێ دا”.
تُتاح هذه الصورة أيضا في: کوردی
