میرێن ئێزدیان: نهیارێن ئێزدیخانێ بزاڤێن داگیركرنا شنگالێ چرتر دكن
تۆرا لالش یا راگههاندنێ
كهسایهتیهكی ژ بنهماله میرێن ئێزدیان دیاركر رۆژ ل دووڤ رۆژی نهیارێن ئێزدیان یێن زێدهدبن، و یێ بزاڤێن خوه چرتر دكهن بۆ داگیركرنا ئێزدخانێ و شنگال، پشتی مووسل رزگاردبیت ههكه پهكهكه چوو ئاستهنگه بۆ ئاوارێن شنگال دروست نهكهت دێ ههموو ڤهگهرینه سهر مالێن خوه.
دوهى 26/10/2016 میر داسن فاروق بهگ، ژ بنهمالا میرێن ئێزدیان بۆ (باسنیوز) دیار كر، شنگال ئێدی ناهێته داگیركرن ئهو بزاڤێن نهیارێن ئێزدخانێ چوو جارێن دی سهرناگرن دێ دهستێن پێشمهرگهی كوردستانێ ههموو نهیارێن ئێزدخانێ هێنه ژناڤبرن بۆ وی چهندی ئێزدی پشتی رزگاركرنا مووسلێ ب سهر بلندی ڤهگهرنه سهر مال و مولكێن خوه ل ههموو دهڤهران ههكه پهكهكه چوو ئاستهنگ دروست نهكهت بۆ خهلكێ ئێزدی ئهم وی باوهری داینه پشتی مووسل دێ ههموو خهلك ڤهگهرینه سهر مالێن خوه ل باشیكێ و بهحزانێ و شنگال و گۆندی گۆچو و سیبا شێخدری و سنوونێ و خانهسوورێ و ههموو گۆند و كۆمهلگههێن دی ئهڤه پتر ژ دوو سالان ئاوارهی ههرێما كوردستانێ بووینه خهلكی ههرێما كوردستانێ ب سنگهكێ بهر فرهه ئێزدی حهواندن و هاریكاریا مللهتێ مه ئێزدی كرن ئهڤه جهی رێز وسوپاسیا مهیه ههتا ههتایی.
میر داسن فاروق بهگ خۆیا ژێ كر پێشمهرگهی كوردستانێ و خهلكێ شنگالێ چوو جارێن دێ ناهێلن شنگال بهێته داگیركرن ئهو هێرشا هۆڤانه یا تیرۆرستێن داعش یا بهری چهند رۆژان ژی مهرهم پی ئهو بوو جارهكا دی شنگال داگیر بكهن لێ نهشێن جارهكا دی بهۆستهكا ئاخا كوردستانێ داگیر بكهن پیلانێن وان یێن پیس سهرناگرن رۆژ دووڤ رۆژی پێشمهرگه یێ سهركهڤتنێن مهزن تۆماردكهت یێ پێشڤهچوونێ دكهت بۆ رزگاركرنا ههموو ئاخا كوردستانێ.
ناڤبری ئهو ژی گۆت: “كونترول كرنا باشیكێ و بهحزانێ ب سهرپهرشتیا مهسعود بارزانی سهرۆكێ ههرێما كوردستانێ ئێزدی زۆر دلخوشكرینه و دێ جارهكا دێ بارزانی ههموو دهڤهرێن ئێزدیان ئاڤاكهت دێ ژین وژیارا خهلكێ خوشتركهت ژ جاران”.
تُتاح هذه الصورة أيضا في: کوردی