د 46 سالێن بۆری دا 60% گیانەوەر ژناڤ چووینە
waar – دهوك :
سندۆقا جیھانی یا پاراستنا گیانەوەران پێشڤەچوونێن مرۆڤان ب مەترسی لسەر ژیانا گیانەوەران ناڤ کرن و دیار کر؛ د چل و شەش سالێن بۆری دا، شیست ژ سەدێ؛ یا گیانەوەران نەماینە.
سندۆقا جیھانی یا پاراستنا گیانەوەران د راپۆرتەکا خوە دا مرۆڤ ب مەترسییەکا مەزن لسەر ژیانا گیانەوەران لسەر ھشکاتیێ ناڤ کرن و ئاشکرا کر؛ ژ سالا ھزار و نەھسەد و حەفتێیێ تا نھا، شێست ژ سەدێ یا گیانەوەران کو گیانەوەرێن شیردەر، ماسی، و گەلەک جورێن دی یێن گیانەوەران پێک دھاتن، نەماینە؛ و زیانێن مەزن گەھشتینە ژینگەھێ.
ژێدەرێ ناڤبری ھەر دو سالان راپۆرتەکێ لدۆر ژیانا گیانەوەران دەردئێخیت و ئاشکرا کرییە کو ژیانا گیانەوەران د ڤی سەردەمی دا ب رەنگەکێ گەلەک مەزن ژناڤ دچیت و چ جاران د دیرۆکێ دا ب ڤێ لەزاتیێ ژناڤ نەچوویە.
تُتاح هذه الصورة أيضا في: کوردی