سهرۆكێ ههرێمێ: پێشمهرگه ناچیته د مووسلێ دا
waar – دهوك :
سهرۆكێ ههرێما كوردستانێ مهسعوود بارزانی و سهرۆكێ ههڤپهیمانییا شیعی عهمار حهكیم سهرهدانا سهنگهرێن پێشمهرگهی ل چیایێ زهرتك كرن. د كۆنگرهیهكێ رۆژنامهڤانی دا، بارزانی و عهمارحهكیم ههماههنگییا دناڤبهرا هێزێن پێشمهرگهی و هێزێن ئیراقێ دا دوپاتكر.
سهرۆكێ ههرێما كوردستانێ و فهرماندێ گشتی یێ هێزێن چهكدارێن ههرێمێ مهسعوود بارزانی د كۆنگرهیێ رۆژنامهڤانی دا راگههاند، سهرهدانا عهمار حهكیم بۆ ههرێمێ گهلهك گرنگه، دا زانین ژی ههماههنگی دناڤبهرا هێزێن ئیراقێ و پێشمهرگهی دا ههیه، گۆت ژی، ههر هێزهكێ؛ رۆلێ وان هاتییه دیاركرن د ئۆپهراسیۆنا مووسلێ دا و پێشمهرگه ناچیته د ناڤ باژێڕێ مووسلێ دا.
بارزانی د بهرسڤا پرسهكا وار ژی دا دا زانین، ئهمریكا كوردان بكارنائینیت، كورد شهڕی بۆ خوه دكهن نه بۆ ئهمریكا، لێ ئهو سوپاسیا ههر ئالییهكی دكهن یێ پشتهڤانیا ههرێمێ بكهت. دهرباری كێشانا سنۆرێ ههرێما كوردستانێ ژی گۆت: ئهو هێلا نها پێشمهرگه ل بهرهیێن شهڕی لێددهت، بتنێ هێلهكا سهربازی یه. سهبارهت ب پشكداریا تۆپخانهیا توركیا ژی د شهڕێ مووسلێ دا سهرۆكێ ههرێمێ دیاركر، دبیت تشتهكێ وهسا روودابیت.
دا زانین ژی، دێ لژنهیهك دناڤبهرا ههرێمێ و بهغدایێ دا هێته دانان بۆ چارهكرنا كێشهیێن پشتی رزگاركرنا مووسلێ دهێنه پێش.
تُتاح هذه الصورة أيضا في: کوردی