بنگەهێ لالش: وەغەرا لیوا وەحید کوڤلی خسارەتەکا مەزن بوو ژبۆ گەل و پێشمەرگەیێ کوردستانێ
ب خەم و کۆڤانەكا مەزن ڤە خەبەرێ وەغەرا داویێ یا لیوایێ هیزین پیشمەرگەی ، فەرماندێ هیزا نەهیلانا تیرورێ ل دهۆکێ ، قارەمان وحید کۆڤلی ژ سەدەما ڕاوەستیانا میشکی یا ژنشکەکیڤە گەهشتە مە .ل پێشیێ ئەم سەرەخوەشیێ ل خوە دکەین ب ڤێ بوویەرا خەمگین ، سەرەخوەشیێن خوە یێن گەرم و ژدل دگەهینە هەمی گەلێ کوردستانێ و بۆ هیزیێن پیشمەرگەی ، و داخوازێ ژ خودێ دکەن رەحمەتی ب دلۆڤانی و میهرەبانیا خوە شادبکەت.
یە خویایە کو خودێ ژێ ڕازی کۆڤلی شێرەک ژ شێرێن کوردستانێ بوو ، ب قارەمانانە بەرگری ژ دۆزا گەلێ مەیێ کوردستانێ کریە ، بەشداربوویە دشەرێن دژوارێن دژی ڕیکخراوا داعش یا تیرورستی ، قارەمانیا خوە یا سەرکەفتیانە سەلماندیە مل ب ملێ پیشمەرگەیێن دیتر یێن قارەمان و کارین زولم و زۆرداریا ڤێ ریکخراوا دڕندە بشکینن ، تیتە زانین کو خودێ ژێ ڕازی سێ برایێن وی شەهید بوونە ژپیخەمەت بەرگریکرنێ ژ ئاخا کوردستانێ .
نابە هەلویستێن جوامێرانە یێن خودێ ژێ ڕازی کۆڤلی ژبیرا مە هەڕن ، ئەوێ پڕانیا جاران دووپاتدکر کو ژ وی ڕا شەرەفەکا مەزنە ئەو تشتەکی ژ حەیفا ئیزدیان هلینە ل دەمێ شەڕکرنا وی ل دژی داعش ،ئەوی هەر وەلاتیەکی کورد داتانی وەک برایێ خوە بێ جوداهیا حزبی و دینی و مەزهەبی ، و شانازی دبر کو پشکداریێ دکەت د ڕوو ب ڕوو بوونا داعشێن دەست درێژی ل سەر شەرەفا ئیزدیان کرین و یێ سەربلندبوو ب شکاندن و بەزاندنا وان و پووچ کرنا پیلانێن وان یێن دڕندانە ل دژی گەلێ کوردستانێ .
و ژبلی ڤێ خسارەتا دلکول ب ژدەست دانا قارەمان وحید کۆڤلی ، ئەم ل وێ باوەریێ نە کو ب هەزارا قارەمان دناڤ هیزین پیشمەرگەیدا هەنە ژ بها و شەرعیەتا کوردستانێ زیدەدکن ل دژی هەر کەسەکی هزرێ ددەست تیوەردانا ئەولەهیا گەلێ مەدا بکەت و ئارمانجێن وی یێن ڕەوا تیک بدەت .
دلۆڤانی و میهرەبانی بۆ گیانێ خودێ ژێ ڕازی وحید کۆڤلی ، قارەمانیێن وی هەر دێ مینن وەک ڕۆناهیەکێ داکو مە هەمیان ببن بەرەف حەقیێ و دادپەروەریێ و بهایێن قارەمانیێ و زەلامینیێ .
دەستەیا بلند یا بنگەهێ لالش یێ ڕەوشەنبیری و کۆمەلایەتی /دهوک
۳ شوباتا ۲۰۱۷
تُتاح هذه الصورة أيضا في: کوردی