“پێتڤیە راگەهاندكارێن ئەرەب و عێراقی راستیا ل شنگالێ چێبوویی ڤەگوهێزن”
تۆرا لالش یا راگەهاندنێ
راگەهاندكارەكێ ناڤدارێ عێراقێ كار ل سەر رۆمالا رەوشا ئاوارێن ئێزدی دكەمپان دا دكت و كاودانێن وان یێن ب زەحمەت و ئازارێن رۆژانە ددەتە دیاركرن و دبێژت:پێتڤیە ل سەر راگەهاندكارێن ئەرەب ب شێوەیەكێ گشتی و یێن عێراقی ب تایبەتی راستیا ل شنگالێ چێبوویی ڤەگوهێزن و ئەوا نۆكە چێدبت ژ بەردەوامیدانا گرتنا ژنێن ئێزدی.
راگەهاندكارێ عێراقی”صفاو ئەلمەنسور”بۆ رۆژناما دەنگێ لالش راگەهاند:”ئەوا ب سەرێ ئێزدیان ل شنگالێ هاتی ڤەچنقینەكا مەزن بوو بۆ من وەك راگەهاندكارەكێ عێراقی،ژ دەستپێكا كارەساتێ وەك راگەهاندكار من كاركر بۆ ئێخستنا رۆناهیێ ل سەر تاوانێن ئەوێن داعشێ د دەرهەقێ ئێزدیان دا ئەنجامداین ژ كریارێن كوشتن و گرتن و دەربەدەركرن، درێیا راگەهاندنێ دا من هەول دا هاریكارییا ژمارەكا ئێزدیان بكەم و ئازادكرنا یێن دوورپێچكری ل چیایی و خوارنێ بدەمە وان،هەروەسا پشتی هنگێ من كار ل سەر رۆمالا رەوشا ئاوارێن ئێزدی دكەمپان دا كر و كاودانێن وان یێن ب زەحمەت و ئازارێن رۆژانە بدەمە دیاركرن و گەهاندنا دەنگێ وان و داخوازیێن وان ل سەر تاوانێن داعشێ و ئەوا چێبوویی ل شنگالێ كۆمكوژیە،ژلایەكێ دیڤە گۆرێن بكۆمێن ئێزدیان ل قەزایێ و ئاخفتنێن رزگاربوویان ژ دەستێ داعش ئالیەكێ سەرەكی بوون ژ كارێ من،پێتڤیە ل سەر راگەهاندكارێن ئەرەب ب شێوەیەكێ گشتی و یێن عێراقی ب تایبەتی راستیا ل شنگالێ چێبوویی ڤەگوهێزن و ئەوا نۆكە چێدبت ژ بەردەوامیدانا گرتنا ژنێن ئێزدی”.
ناڤهاتی ئاماژەكر ژی ل سەر دانەناسینا جڤاكێ ئێزدی و داب و نەریت و حەژێكرنا وی بۆ ژیان و ئاشتی و پێكڤەژیانێ دگەل پێكهاتێن دی دا كاركریە.
تُتاح هذه الصورة أيضا في: کوردی