حكومەتا عێراقی فەرمانبەرێن شنگال ژ وەرگرتنا پارچەیێن ئەردی بێ بەهر دكەت
باسنيوز:
ئەندامەكێ جڤاتا قەزا شنگال دیاركر كو حكومەتا عێراقی هەموو فەرمانبەرێن كورد ل شنگال ژ وەرگرتنا پارچەیێن ئەردی بێ بەهركرینە. مە داخاز ژ بەغدا كریە پارچەیێن ئەردی ل سەر فەرمانبەران بهێنە بەلاڤكرن لێ بەغدا رازی نەبوویە.
مەهدی عەلی خەلەف، ئەندامێ جڤاتا قەزا شنگال بۆ (باسنیوز) دیار كر: “هزارەها فەرمانبەرێن كورد ل شنگال هاتینە بی بەهركرن ژ وەرگرتنا پارچەیێن ئەردی ژلایێ حكومەتا عێراقی و ئێدارا مووسلێ ڤە. ئەگەر فەرمانبەر چەند سالان خزمەتێ بكەت ژی مفادار نابیت ژ وەرگرتنا پارچەكا ئەردی. مە داخاز ژ بەغدا كر پارچەیێن ئەردی بۆ فەرمانبەرێن شنگال بهێنە دابینكرن ل سەر فەرمانبەران بهێنە بەلاڤكرن لێ بەغدا رازی نەبوو”.
خویا ژی كر: “ل شنگال هژمارەكا زۆر یا فەرمانبەرێن كورد هەبوون نۆكە ژبەر ناكۆكیێن سیاسی وهەبوونا گرۆپێن چەكدار ل شنگال فەرمانبەرێن كورد نەشێن بزڤرنە سەر كارێن خوە”.
تُتاح هذه الصورة أيضا في: کوردی