رێیا دچتە مەزارگەهێ شێشمس پێتڤی سەخبێركرنێ یە
تۆرا لالش یا راگەهاندنێ
مەزارگەهێ مەلەك شێشمس ئێك ژ كەڤنترین مەزارگەهێن ئێزدیایە دكەفتە گوندێ گرێ پانێ ل كۆمەلگەها شاریا،رێیا دچتە ناڤ مەزارگەهی خراب بوویە و دەما كەسەك دچتە بەر دلۆڤانیا خودێ هاتن و چۆن ب زەحمەت دكەفت و پێتڤی ب سەخبێركرنێ یە.
مەزارگەهێ مەلەك شێشمس ل سالا(2005ێ هاتیە ئاڤاكرن و ژئالیێ بنەمالا (شێخ جۆقی شێخ خدر )ڤە هاتیە دروستكرن،هەرسال جارەكێ دئێتە نووژەنكرن و توافا وی دئێتە گێران و خەلك رۆژانە دچنە مەزارگەهی بۆ توافكرنێ و هیڤیا و دوعایا ژێ دخوازن.
كورێ مجێورێ مەزارگەهێ شێشمس(شێخ سەلاح جۆقی) بۆ رۆژناما دەنگێ لالش گۆت:رێیا دچتە ناڤ مەزارگەهی گەلەك خراب بوویە و ئەگەر بڤی شێوەی بمینت ل دەمێ بەفر و باران دئێن ب ئێكجاری ئەو رێ دێ ئێتە گرتن لبەر خەلكێ قەست دكەنێ،ژبەركو نكارن هاتن و چۆنێ بكن لەوما ئەم داخوازێ ژ حكومەتا هەرێما كوردستانێ و هەر جیەكی پەیوەندیدار دكەین دووبارە ئەڤ رێ بێتە سەخبێركرن و دروستكرن.
ئەو چەندە ژی رۆنكر،ئەگەر هاریكاریا وان بێتە كرن دێ هۆلەكێ ل مەزارگەهی دروست كن،ژبەركو دەمێ كەش و هەوا نەی ئاسایی بت دەمێ كەسەك دچتە بەردلۆڤانیا خودێ ئەو نكارن تەرمێ وی ڤەشێرن و بۆ وان ب زەحمەت دكەفت.
تُتاح هذه الصورة أيضا في: کوردی