500 گرتيێن ئێزدی دناڤ كەمپا هۆلێ دا ماینە
باسنيوز:
بەرپرسێ نڤیسینگەها رزگاركرنا رەڤاندیێن ئێزدی دیاركركو دووڤ زانیاریێن مە ژ 400 هەتا 500 كچ وژن و زارۆكێن ئێزدی دناڤ كەمپا هۆلێ دا ل رۆژئاڤایێ كوردستانێ هەنە و نەهاتینە رزگاركرن.
حوسێن كۆرو قائێدی، بەرپرسێ نڤیسینگەها رزگاركرنا رەڤاندیێن ئێزدی بۆ (باسنیوز) دیاركركو كار ل سەر ل سەر كۆمكرنا پێزانینان و دیاركرنا جهێ رەڤاندییان و رزگاركرنا رەڤاندییان یێ بەردەوامە هەتا ئێك رەڤاندی ئێزدی بن دەستێن داعش و خێزانێن داعشێ دا مابیت دێ كار یێ بەردەوام بیت بۆ رزگاركرنێ. نۆكە ئەم پتر ل رۆژئاڤایێ كوردستانێ كاردكەین بۆ رزگاركرنا رەڤاندیێن ئێزدی. دووڤ پێزانێن مە هژمارەكا زۆر رەڤاندیێن ئێزدی ل رۆژئاڤایێ كوردستانێ هەنە ب تایبەتی ژی ل كەمپا هۆلۆ دا ب هەر شێوەیەكی هەبیت دێ كار كەین بۆ رزگاركرنا هەموو رەڤاندییان”.
ئاشكەرا كركو:” ئەو جهێن تیرۆرستێن داعش لێ هەبن هەولدەن رەڤاندیێن ئێزدی ببەنە وان جه و دەڤەران دا یێن خێزانیێن داعش تێدا هەین وگەلەك جاران دهێتە گوتن رەڤاندیێن ئێزدی بۆ گەلەك دەولەتان یێن هاتینە ڤەگوهاستن ژلایێ داعش ڤە لێ ب شێوەیەكێ فەرمی هەتا نۆكە تشتەكێ وەسا نەبوویە بەلكو ل عێراق و سوریا هەنە و دهێتە گۆتن ل لیبیا و یەمەن یان جهەكی دی هەبن لێ شێوەیەكی فەرمی هێشتا تشتەك نەهاتیە زانین”.
ل جینۆسایدا شنگال سالە 2014ێ ژلایێ تیرۆرستێن داعش ڤە 6 ھەزار و 417 كچ وژن و زارۆیێن ئێزدیان ل شنگال هاتنە رەڤاندن. هەتا نۆكە زێدەتر ژ سێ و 500هزار رەڤاندیێن ئێزدی یێن هاتینە رزگاركرن و هێشتا چارەنڤیسێ زێدەتر ژ دوو هزار رەڤاندیێن ئێزدی دیار نینە.
تُتاح هذه الصورة أيضا في: کوردی
