بنگەهێ لالش:داخوازێ ژ جڤاكا ئێزدی وئەندام و لایەنگرێن خۆ دكهين بەشداریەكا كارا ل هەلبژارتنان دا بكن
تۆرا لالش/دهۆك
سەرۆكێ دەستەیا بلندا بنگەهێ لالش راگەهاند،كو پێتڤی یە جڤاكا ئێزدی وئەندام و لایەنگرێن بنگەهێ لالش بەشداریەكا كارا ل هەلبژارتنێن ئەنجومەنێ نوونەرێن عێراقێ دا بكن،دیارژی كر ژبەركو جڤاك و جوگرافیەتا ئێزدیان ئەمانەتێ پارتی یە لەوا داخواز ژ لایەنگر و ئەندامێن بنگەهێ لالش دكەم دەنگێ خۆ بدەنە كاندیدێن پارتی.
د كۆمبوونا ئاسایی یا بنگەهێ لالش دا ل رێككهفتی ١١ی ئهیلولا ٢٠٢١ێ شێخ شامۆ سەرۆكێ بنگەهێ لالش ژ تەڤایا ئەندامێن دەستەیا بلند و سەرۆكێن تایان خواست كو پێتڤی یە ڤێ هەیڤێ هەموو چالاكێن وان د خزمەتا هەلبژارتنان دابن.
د ئالیەكێ دی يێ كۆمبوونێ دا سەرۆكێ بنگەهێ لالش دیاركر:ئاسایكرنا رەوشا شنگالێ و ڤەگەراندنا ئاواران بۆ جيێن وان هیڤیا سەرەكی یە بۆ مە هەمووان، لێ دڤێ قۆناغێ دا خەلك نەیێ بەرهەڤە ڤەگەرت ژبەر رەوشا نالەبارا ئەمنی و نەبوونا خزمەتگۆزاریان.
ههروهسا سەرۆكێ بنگەهی لالش داخوازكر ئێزدی بەشداریەكا كارا ل هەلبژارتنان دا بكن و هەول بدەن كو نوونەرێن ئێزدی ل ئەنجومەنێ نوونەرێن عێراقێ دا هەبن،شێخی خواست كو هەموو بەربژێرێن كوردستانێ تایبەت یێن پارتا دیموكراتا كوردستانێ سەركەڤن و رۆلێ خۆ ببینین بۆ ئێك رێزیا ناڤـ مالا كوردی ل بەغدا.
شێخ شامۆ دیارژی كرپشتی هەلبژارتنێن عێراقێ بنگەهێ لالش دێ بەرهەڤیان كەت بۆ گێرانا كۆنگرێ خۆ.
ههر دكۆمبوونێ دا شێخ شامۆ داكۆكی ل بەردەوامیا چاپكرنا چاپەمەنی و گۆڤار و رۆژناما دەنگێ لالش كر و دەستخۆشی ل سەرۆكێن تايی و نڤیسنگەهان كر بۆ چالاكیێن وان یێن بەردەوام.
ل داویا كۆمبوونێ گەنگەشە دناڤبەرا ئەندامێن دەستەیا بلند و بەرپرسێن تایان لسەر گرنگترین كار و چالاكیێن بنگەهێ لالش هاتەكرن.
تُتاح هذه الصورة أيضا في: کوردی