هۆلا گوندێ خێراڤايێ يا بيرهوهريان هاته ڤهكرن
تۆرا لالش:
درێورهسمهكا ژ ههژى دا و لژێر چاڤدێريا د.عهلى تهتهر پارێزگارێ دهۆكێ و ب ئامادهبوونا ههژمارهكا كهسايهتى و بهرپرسێن دام و دهزگههێن حكومى و حزبى و ريهسپى و موختارێن كۆمهلگهها خانكێ،هۆلا گوندێ خێراڤايێ يا بيرهوهريان هاته ڤهكرن.
ئيرۆ رۆژا شهمبوويێ 25ى كانوونا ئێكێ 2021ێ ب ئامادهبوونا ماجد سيد سالح نوونهرێ پارێزگارى و شێخ شامۆ شێوهرمهندێ سهرۆكێ حكومهتا ههرێما كوردستانێ بۆ كاروبارێن ئێزديان و سهرۆكێ دهستهيا بلندا بنگههێ لالش و قايمقامێ قهزا سێمێلێ خهليل مهحمود و فێسهل عهرفات به رپرسێ لژنا ناوچا دوبان يا پارتى وخانم زۆزان عهلى سالح كانديدا پارتى يا سهركهفته دههلبژرتنان دا وچهندين بهرپرسێن دام و دهزگههێن حكومى وحزبى وريهسپى وموختارێن كۆمهلگههێ،هۆلا گوندێ خێراڤايێ يا بيرهوهريان هاته ڤهكرن.
ل دهستپێكێ شكرى رهشيد،ئهندامێ لژنا سهرپهرشت بناڤێ ههموو گونديان بخێرهاتنا ههمووو مێڤانان كرو بهحس ل چاوانيا هزرا ئاڤاكرنا ڤێ هۆلێ كر،لدووڤدا ماجد سيد سالح نوونهرێ پارێزگارێ دهۆكێ د پهيڤهكێ دا دهست خۆشى ل خهلكێ گوندێ خێراڤايێ كر ژبۆ ڤى كارێ پيرۆز وئامادهيا پارێزگهها دهۆكێ دياركر ژبۆ ههر كارهكێ خيێرخوازى.
ل پێرا شێخ شامۆ شێوهرمهندێ سهرۆكێ حكومهتا ههرێما كوردستانێ بۆ كاروبارێن ئێزديان و سهرۆكێ دهستهيا بلندا بنگههێ لالش پهيڤهك پێشكێشكر و تێدا بهحس ل گرنگيا تفاق وتهبايێ دناڤ جڤاكێ ئێزديان دا كر ب گشتى وده ست خۆشى ل گوندێ خێراڤايێ كر ژبۆ ئاڤاكرنا ڤێ هۆلێ.
ههروهسا چهندين پهيڤ ژلايێ كهسايهتى و بهرپرسێن دام و دهزگههێن حكومى وحزبى هاتن پێشكێشكرن و دهست خۆشى ل خهلكێ گوندێ خێراڤايێ كرن.
بۆ زانين هۆلا گوندێ خێراڤايێ ب كوژمێ 192مليۆن ديناران ژلايێ خێرخوازان و خهلكێ گوندى ڤه هاتيه ئاڤاكرن.
تُتاح هذه الصورة أيضا في: کوردی