دەرهێنەرەکێ گەنجێ کۆمەلگەها شاریا هاتە خەلاتکرن و ڕێزلێنان
تۆرا لالش:
ڕێکەفتی (27 / 1 / 2023 ) رۆژا ئینیێ، بنگەهێ لالش تایێ شاریا ل کۆمەلگەها شاریا ل هۆڵا لالش ئێک، ڕێز ل دەرهێنەرێ گەنجێ خەلکێ شاریا (سەرهات نەریمان خەمۆ) گرت و هاتە خەلاتکرن ژ ئالیێ بنگەهیڤه ب ئامادەبوونا جەماوەرەکی زۆر ژ خەلکێ کۆمەلگەهێ و پشتەڤانێن سینەما و کوڕتەفلمان.
دەستپێکێ خۆلەکەک ڕاوەستیان لسەر گیانێ شەهیدان، پاشی پەیڤا بخێرهاتنێ هاتە پێشکێشکرن ژ ئالیێ سەرۆکێ بنگەهێ لالش تایێ شاریا بەڕێز ( دلگش سلیم) و پشتەڤانیا بنگەهێ لالش تایێ شاریا دا دیارکرن بۆ هەموو تەخێن جڤاکی ب تایبەت تەخا گەنجان.
پاشی دوو کوڕتەفلمێن دەرهێنەری هاتنە نمایشکرن ب ڕێکا داتاشۆیێ ب ناڤێ ( گەنجینا ژ ڕاستا 6 خۆلەک و خەونێن ڤاڵا 16 خۆلەک)، پشتی نمایشا فلمان ب دوماهی هاتی دەرگەهێ تێبینی و ڕەخنەیان هاتە ڤەکرن د ناڤبەرا ئامادەبووان و دەرهێنەری دا.
ل دوماهیێ ژی ڕێز ل دەرهێنەری هاتە گرتن و هاتە خەلاتکرن ژ ئالیێ بنگەهێ لالش تایێ شاریا ڤە.
جهێ ئاماژێیە ( سەرهات نەریمان خەمۆ ) خودانێ پێنج کوڕتەفلمانە و بەشداری فلمەفیستەڤاڵێن جیهانی و ناڤخۆیی بوویە و دوو کورتەفلمێن وی ب ناڤێ ( دار و گەنجینا ژ ڕاستا ) خەلاتێن دووێ و سێیێ وەرگڕتینە ل دەزگەهێ ڕوانگە ل هەولێر و بەغدا.
تُتاح هذه الصورة أيضا في: کوردی