تۆرا ئاڤێ ل دێرەبوونێ هاتە گهۆرین
دەنگێ لالش،شەمال خدر
ب دەست پێشخەری و هەماهەنگی دگەل پارێزگەها دهۆكێ،ڕێكخراوا (PWJ) ی
ا یابانی، تۆرا ئاڤا ڤەخوارنێ ل دێرەبوونێ گهۆرین،تانكییەكی مەزن یێ خەزنكرنا ئاڤێ ژی ل سەر بیرتەوازیا ئاڤێ هاتە دانان ،داكو خەلكێ گوندی نەمینتە بێ ئاڤ.
رێڤەبەرێ ناوچەداریا رزگاری(عادل ئەمین ) بۆ دەنگێ لالش دیاركر،تۆرا ئاڤێ یا گوندێ دێرەبوونێ گەلەكا كەڤن و ژەنگاری بوو،هێشتا یا سەردەمێ رژێما بەرێ بوو،ئەڤجا لەوا ب رێیا پارێزگەها دهۆكێ ژلایێ ڕێكخراوا (PWJ) یا یابانی ڤە ئەو تۆرا كەڤنا ئاڤێ هاتە گهۆرین و بۆریێن پلاستیكی ل شوونا وان هاتنە دانان،تانكەرەكێ مەزن بۆ خەزنكرنا ئاڤێ ژی ل سەر بیرتەوازیا گوندی هاتە دانان،داكو خەلكێ گوندی نەمینتە بێ ئاڤ.
ئەمین ئەو چەندە ژی ئاشكەراكر،پرۆژەیەكێ مەزن یێ ئاڤێ ژ رووبارێ دیجلە دێ هاتبا دروستكرن بۆ دێرەبوونێ و دەوروبەرا،خەلكێ مە ل دەڤەرێ دێ مفایەكێ باش ژێ وەرگرتبا،بەلێ قەیرانا دارایی بوو ئاستەنگ درێیا ڤی پرۆژەی دا،دێ هەولدەین ئەڤ پرۆژەیە هەر بێتە دروستكرن.
تُتاح هذه الصورة أيضا في: کوردی
