سوپاسناما بەهیداریێ
ب دەستورا ناڤێ خودێ
(روحا رەحمانی ….نابت فانی….. هەردێ زڤریتە بەردەستێ وی یەزدانی….)
ب ناڤێ مالباتا خوە و گشت كەس و كارێن شەهیدێ پێشمەرگە (نقیب/بەكر میرزا ئیسماعیل هەوێری) ئەوێ كو بوویە قوربانێ ئاخا پیرۆزا كوردستانێ، ژ دل و جان سوپاسدار و منەتكارێ خەلكێ خوەنە یێن كو بوینە هەلگرێ خەم و ژانێت مە و برینێن مە سڤك كرین و بەشداری د رێورەسمێن پێشوازیكرن و گۆركرن و تازیا مە دا كرین ب تایبەت ئەڤ بەرێزێن ل خوارێ دیاركری.
_نڤیسینگەها تایبەتا رێزدار (مسرور بارزانی) زۆر بەرێز.
– ئەندامێن سەركردایەتیا پارتی دیموكراتی كوردستان یێن بەرێز و لقێن پارتی(لقێ دهۆك و لقێ شێخان و لقێ شنگال و لقێ مووسل و لقی اوروپا) دگەل دا كارگێر و لیژنە و رێكخراو و كادرێن بەشداری دتازیا مە دا كرین.
_فەرماندێن لەشكەری و ئەفسەر و هەڤال و هەڤچەپەرێن رەحمەتی یێن پێشمەرگە.
_دەستەیا بلندا بنگەهێ لالش و تایی و نڤیسینگەهێن وی یێن بەرێز و بنگه هی لالش المانیا.
_سوپاسیێن گەرم ژبۆ بەرپرسێن حیزبی و حكوومی و ئیداری و لەشكەری و پەرلەمانتار و وەزیر و قایمقام و كەسایەتی و تەخ و چینێن جودا جودا یێن پارێزگەها دهۆكێ یێن كو بەشداری تازیا مە بووین.
-خەلكێ كۆمەلگەها خانكێ ب هەمی تەخ و چینێن خوەڤە و خەلكێ مە یێ شنگال یێن كو د تازیا مەدا بەشداری كرین.
_ گشت كەسایەتی و زەلامێت ئاینی و ریه سپی یێن سەرانسەری دەڤەرێن ئێزدیان یێن كو بەشداربووین ل تازیا مەدا منەتا وە ل سەر سەرا و سەرچاڤان.
_سوپاسیێن تایبەت بۆ گشت هەڤال و برادەرێن ل دەرڤەی وەلات بەشداری د تازیا مەدا كرین چ ب رێكا تلفون یان تۆرێن كۆمەلایەتی ب تایبەت (فەیسبوكی) و هەر رێكەكا دیتر.
خودێ مەزن خێرا هەموو لایەكی قبول بكە و خێر و خوەشیێ بدە مللەت و وەلاتێ مە و هیڤی و دوعا ژخودێ مەزن دكەین خوینا كورێ مە و گشت شەهیدێن مە ب هەدەر نەچیت و خوینا وان هێڤێنێ دروستكرنا دەولەتا كوردستانێ بت ل سەر دەستێ جەنابێ سەرۆك بارزانی.
ئەو ل رێ
ئەم ل پێ
ئەم هەمو دێ زڤرن بۆ خودێ
كادر میرزا ئیسماعیل هەوێری
ژپێش بنەمالا شەهیدێ پێشمەرگە
نقیب/بەكر میرزا ئیسماعیل هەوێری
١١/٦/٢٠١٦
تُتاح هذه الصورة أيضا في: کوردی
