Nêçîrvan Barzanî: Rizgarkirina Mûsilê pêdvî bi planeka hevpişka herêm û Bexda ye

Çavkanî :WaarMedia

Serok wezîrên herêma Kurdistanê ragîhand; daxwaz ji Bexda hatîye kirin, herzû planeka hevpişk bo rizgarkirina Mûsilê bê danan û peywendîyên herêm û Bexdayê jî, baştir pêşve biçin.

Nêçîrvan Barzanî serok wezîrên herêmê, li Hewlêrê pêşwazî li Yanko Bîc nûnerê taybetê neteweyên Yekgirtî li Îraqê kir û di kombûnekê da, nûnerê UN serdana serok wezîrên herêma Kurdistanê ya Bexda bi serkevtîyane bi navkir û daxwaz kir, peywendîyên herêm û Bexdayê di hemû waran da bihêz tir bikevin.

Dîsan destxweşî li hikûmeta herêmê kir ku digel berpirsên rêxistinên Nêvdewletî û hikûmeta Îraqê, Mijûlî danana planeka başin bo pêşwazîkirinê li awareyên Mûsilê.

Ji alîyê xwe ve serok wezîrên herêmê got: serdana wan ya Bexda gaveka başbû, bi taybet ku herdu alî li ser hinartina petrola Kerkûkê rêkevtine û got: peywendîyên Hewlêr û Bexdayê dê berdewambin û Neteweyên Yekgirtî jî, dikare rolê xwe di pêşxistina wan peywendîyan da bibîne.

تُتاح هذه الصورة أيضا في: Kurdî