Barzanî û balyozê nû yê Kuwêtê rewşa herêmê gotûbêj kirin
Çavkanî :Basnews
Serokê herêma Kurdistanê Mesûd Barzanî pêşwazî li balyozê nû yê Kuwêtê li Iraqê û şandeya li gel kir.
Li gor malpera fermî ya serokatiya Herêma Kurdistanê derbarê naveroka hevdîtinê de daxuyaniya hatî dayîn waha ye:
Roja pênçşem 06.10.2016 li Selahedîn birêz Mesûd Barzanî Serokê Herêma Kurdistanê pêşwaziya Salim Xesban El Zimanan Balyozê nû yê Kuweyt li Iraqê û şandekî li gel kir.
Li hevdîtinê de Balyozê Kuweyt li Iraqê xweşhaliya xwe ji bo serdana xwe ya Kurdistanê û hevdîtina li gel Serok Barzanî derbirî û her wiha silavên Mîrê Kuweytê bi Serok Barzanî re gihand û ji bilî balkişandina li ser peywendiya dîrokiya di navbera her dû aliyan hêviya pêşketin û aramiyê jî, ji bo gelê Kurdistanê xwest.
Li beranber da Serok Barzanî spasî Mîrê Kuweytê kir û hêviya serkeftinê jî ji bo Balyozê nû yê Kuweyt li Iraqê xwest û ronahî xiste li ser girîngî û pêgeha welatê Kuweytê û pêşwaziyê jî li berfirehtirbûna peywendiyên di navbera Herêma Kurdistan û Kuweytê kir.
Her li vê hevdîtinê de rewşa siyasiya Iraq û navçeyê û şerê terorê û serdana Serok Barzanî ya Bexda û peywendiyên di navbera her dû aliyan xistin ber behs û guftûgoyan.
تُتاح هذه الصورة أيضا في: Kurdî