Şêx Şamo berdewame li ser gehandina derd û daxwazyên kurdên Êzidî bo cîhana derve .
Tora laliş ya ragehandinê \ Hawlêr
Şêx Şamo nûnerê kurdên Êzidî li perlemanê Kurdistanê , derd û daxwazî û perîşanî û karesata bi serê Êzidyan hatî li devera Şingalê , bi gotin û raportên nivîsandî gehandine şandekî wellatê Çîk.
roja pênc şembuyê 3\11\2016 , şandekî bilind yê wellatê Çîk seredana perlemanê kurdistanê kir û ji alyê berêz (Cehfer Êmînkî) cêgirê serokê perlemanê Kurdistanê û komeka endam û rawêjkarên perlemantoyê Kurdistanê hatine pêşwazî kirin , şandê navbirî pêkhatbû ji (Can Bartoşîk) cêgirê serokê perlemanê komara Çîk û xatun (Cana Şernoçova) endama perlemantoya Çîk û (Can Vejîtal) balîozê wellatê Çîk li Îraqê û xatun (Êva Derdekova) qunsila giştî ya wellatê Çîk li Herema Kurdistanê û (Carosilav Rîf) cêgirê qunsilê giştî yê Çîk li Hewlêr.
Di hevdîtinê de ku Şêx Şamo nûnerê kurdên Êzidî amadebu , ronkirin û derd û daxwazî û perîşanya Kurdên Êzidî û karesata bi serê xelkê me li devera Şingalê û zerer û zîan û zordarya li ser destê DASH ya tîrorst di van herdû salên derbazbuy de hatî , bi gotin û raporên nivêsandî gehandine Şandê mêvan , herwisa Şêx Şamo (delîl) rêberê bingehê laliş pêşkeşî şandê mêvan kir, ku pitr felsefa ola ezidyatyê nas bikin .
Paş nunerê kurdên Êzidî bi hazir buna cêgirê serokê perleman , cêgirê serokê perlemanê Çîk wek serokê şandî bi aramê laliş xelat kir û di xelatkirinê de got : eve nîşaneke pîroze di Êzidyatyê de û me vîya pêşkeşî we bikin wek rêzgirtin bo we harîkarya welatê we jibo Kurdistanê pêşkeşkirî û em Êzidî jî di nav da, dîsan jiboku hun li welatê xwe hewldanên cidî bikin , bo zêdetir harîkar kirina me heta jyana xelkê me yê zerer pê keftî baştir bibe .
تُتاح هذه الصورة أيضا في: Kurdî