Mesrûr Barzanî: Îraq serkeftî nebûye û Kurdistan dixwaze serbixwe be
Şîretkarê civata asayîşa herêmê û serokê borda zankoya Amerîka li Duhokê ragîhand; sîstemê Navdewletî nikare parêzgarîyê ji yekparçeyîya welatan bike û Kurdistan dixwaze serbixwe bibe.
Di konfiransê serxwebûna Kurdistanê da li zankoya Amerîka li Duhokê, Mesrûr Barzanî got: Îraq serkevtî nebûye di dana mafên Kurdan da û niha cudabûn ji Îraqê weku çareya nexuşyekê ye û nabe kêşeyên niha bimînin, ji berku bawerî dinavbera Hewlêr û Bexdayê da nemaye û pêdvîye danustandinên herdu alîyan êdî li ser binemayê du welatên cîran bin û hemû danustandin bo serxwebûnê bin.
Dupat jî kir, Kurdistan berhingarî hezaran awareyan bûye û bi taybet bajarê Duhokê û hêzên pêşmerge jî bi xuna xwe bergirî ji ax û awareyan kirîye û ezmûna Kurdistanê wekirîye ku êdî hemû alî boçûna serxwebûna Kurdistanê pesend bikin.
Mesrûr Barzanî da zanîn jî: pêdvîye şerê Daişê li bîra hemû alîyan be û bê zanîn ka Kurdistanê çi rol têda hebûye û çewa pêkhateyên olî û neteweyî parastin.
Li dawîyê jî da zanîn ku paşeroja deverê neya rûne, lê Kurdistan dixwaze serbixwe bibe û bi bawera wî, proseya sîyasî û danustandin, baştirîn rêye bo gihiştinê bi serxwebûnê.
تُتاح هذه الصورة أيضا في: Kurdî