Nêçîrvan Barzanî û Balyozê Japonyayê gefa terorê gotûbêj kirin

BasNews- Serokê Herêma Kurdistanê Nêçîrvan Barzanî û Balyozê Japonya yê li Iraqê Suzuki Kotaro geşedanên siyasî yên Iraqê û pêwendiyên Japonya yên ligel Iraq û Herêma Kurdistanê gotûbêj kirin.

Malpera fermî ya Serokatiya Herçma Kurdistanê, îro duşemê 22yê Tabaxa 2022yan ragihand, Serokê Herêma Kurdistanê Nêçîrvan Barzanî û Balyozê Japonya yê li Iraqê Suzuki Kotaro geşedanên siyasî yên Iraqê û pêwendiyên Japonya yên ligel Iraq û Herêma Kurdistanê gotûbêj kirin.

Balyozê Japonê dupat kiriye ku welatê wî dê li ser piştgirî û hevkarîkirina Iraq û Herêma Kurdistanê berdewam be, pesnê pêşketinên Herêma Kurdistanê daye û rola Serokê Herêma Kurdistanê Nêçîrvan Barzanî di nêzîkkirina aliyên siyasî yên Herêma Kurdistanê û yekrêziya di navbera wan da bilind nirxand.

Nêçîrvan Barzanî spasiya rola Japonyayê ya li Herêma Kurdistan û Iraqê kiriye û bi taybetî amaje bi kar û çalakiyên ajansa JICA ya Japonyayê kiriye û hêviya berdewambûna kar û çalakiyên Japonyayê û pêşxistina têkiliyên du alî xwestiye.

Rewşa siyasî ya Iraqê û sûdwergirtina ji derfetan, aştî û aramiya navçeyê bi giştî, metirsiya terorê, pirsa avadankirinê û ew sektorên ku Japonya dikare tê de kar bike û handana sektora taybet, çend mijarên din yên hevdîtinê bûne.