بنگەهێ لالش پشكدارێن بەرنامێ شەیدا خەلاتكرن 
تۆرا لالش یا راگەهاندنێ
ب هەلكەفتا سەركەفتنا هۆزانڤان”حەسهن حسێن”یێ بەرنیاس ب “حسنكو ئەلشنگالی”و بەشداریكرنا جوان یا شنگالیان ل بەرنامەیێ شەیدا دا ل كەنالێ وار تی ڤی،بنگەهێن لالش تایێن شنگال و سنوونێ و نڤیسینگەهێن سەرڤە ئاهەنگەك ل كۆمەلگەها خانكێ سازدان.
دوهی 10تەموزا 2016،ب ئامادەبوونا كۆمەكا بەرپرسێن ئیداری و سیاسی و رەوشەنبیران و جەماوەرەكێ ژ ئاوارەیان و خەلكێ دەڤەرێن دی یێن ئێزدیان، بنگەهێن لالش تایێن شنگال و سنوونێ و نڤیسینگەهێن سەرڤە ئاهەنگەك ل هۆلا لالش یا هەوێریان یا هەلكەفتان ل كۆمەلگەها خانكێ سازدان.
وەك رێزگرتن بۆ گیانێ پاكێ شەهیدان ئامادەبوویی خۆلەكەكێ سەكنین و پاشی پەیڤا بنگەهێ لالش و هۆزانڤان”حەسەن حسێن”هاتن پێشكێشكرن.
هەروەسا هەر پێنج هۆزانڤانێن پشكدار دبەرنامێ شەیدا دا كو(رنی سلێمان،حماد ئسماعیل،برزان سەعید،حەیات سەعید،حەسەن حسێن)بوون،ستران و هۆزان گۆتن،دیسان هەردوو هۆزانڤانان”زێدان شنگالی” و”عەبدال عەلی”دئاهەنگێ دا ستران گۆتن.
ل داویا ئاهەنگێ پشكدار هەموو هاتن خەلاتكرن.
تُتاح هذه الصورة أيضا في: کوردی