دەستا ژ موزیكێ بەرنادەت
تۆرا لالش یا راگەهاندنێ
موزیكژەن(عزەت شەرقی)بۆ رۆژناما دەنگێ لالش راگەهاند،هەر ژ زارۆكینا خۆ من حەزا ژەنینا موزیكێ هەبوویە،پشتی سێ سالێن ئاوارەبوونێ ل ناڤ كەمپان دا جارەكا دی من هەول دا بژەنم و دەستا ژ موزیكێ بەرنادەم.
دەربارەی كارێ خۆ عزەتی دیاركر،ل سالا(2012)ب هاریكاریا مامۆستایێ خۆ فێسەل لەزگین دەست بكارێ موزیكێ بوویمە،لێ پشتی كۆمكوژیا شنگالێ لسەر دەستێ رێكخراوا داعش،پتریا وان موزیكژەن و هۆنەرمەندێن دەڤەرا شنگالێ دەست ژ كارێ خۆ بەردان،ژبەر وان نەخۆشیێن بسەرێ خەلكێ مە هاتی،لێ پشتی سێ سالێن ئاوارەبوونێ ل ناڤ كەمپان دا جارەكا دی من هەول دا بژەنم و خزمەتا هۆنەرمەند و هۆنەرێ كوردی بكەم.
ئەو چەندە ژی خویاكر،دناڤا كەمپا لێ ئاكنجی،هەتا نهۆ چەندین خۆلێن موزیكێ بۆ گەنجێن كەمپێ ڤەكرینە.
ناڤهاتی ژدایك بوویێ سالا(1995)یە ل كۆمەلگەها رەمبووسی یە ل قەزا شنگالێ،نهۆ ل كەمپا ئێسیا ل ناوچەداریا باعەدرێ ئاكنجی یە.
تُتاح هذه الصورة أيضا في: کوردی