كچهكا ئێزدى خهلاتێ باشترین رۆژنامهڤانا كچ ل ئیتالیا وهرگرت
باسنيوز:
كچهكا ئێزدى ل وهلاتێ ئیتالیا شیا خهلاتێ باشترین رۆژنامهڤانا كچ د بوارێ مرۆڤایهتى دا وهرگریت.
رۆژنامهڤانا ئێزدى، زێنا حهمۆ، بۆ (باسنیوز) دیار كر: “من خهلاتێ رۆژنامهڤانیا نێڤدهولهتى (Ischia) كۆپیا 39 ل باژێرێ رۆما ل پاتهختێ وهلاتێ ئیتالیا د بوارێ باشترین رۆژنامهڤان د بوارێ مرۆڤایهتى دا وهرگرت و ئهز دهێمه هژمارتن كهسا 39 ڤى خهلاتى وهردگرم و د رێورهسمان دا هژمارهكا زۆر یا كهساتیێن سیاسى و رۆژنامهڤانێن جیهانێ بهشدار ببوون”.
ناڤبرى ئهو یهك ژى دیار ك: “ئهڤ خهلاته وهكو رێزگرتن بوویه ژ بهر رۆلێ من یێ فۆتۆگرافهریێ د ناڤا ئاوارهیێن ئێزدى دا ل دهمێ كارهساتا شنگالێ و رۆلێ من د بهرهڤانیكرنێ دا ژ مافێ مرۆڤان و ژ مافێ كێمنهتهوهیا ل عیراقێ ب رێیا دیكۆمێنتكرنا ژیانا ئاوارهیێن ئێزدى ل ناڤا كهمپێن پارێزگهها دهۆكێ دا، چونكو من ب سهدان وێنه و ڤیدیۆ و راپۆرتێن دیكۆمێنتارى ل سهر ژیانا ئاوارهیێن ئێزدى د ناڤا كهمپان دا درۆستكرینه”.
تُتاح هذه الصورة أيضا في: کوردی