بایێ سۆر
مهروان گابارى
رۆژانە زولم و زۆری ل دژی مە دهاتە کرن ئەو کەسین ب ناڤێ مافێ مرۆڤان د ئاخڤین هەر ئەو د بێ دەنگ بوون نێزیكى 20 رۆژ و شەڤا بوو ئەم د وێ زیندانا تاری دابوون مە نزانی دەرگەهـ ل کیژ دیوارێن وێ زیندانێ دایە، جارەکێ دەرنگی شەڤێ بوو دەنگێ قوتینا هندەک ژن و زارۆکا هاتە گوهێ من دوو ژ وان هۆڤان هاتن کەفتنا ناڤ وان دا ئێکێ ژى ب دەنگهکی بلند دگۆت ( هولا الكفار لا يستحقون يعيشون في الحياة )ئانکو ( ئەڤ کافر نە ژ هەژی نە ل ژیانێ دا بن ) پشتی ئەڤ ئاخفتن گۆتی داعش زێدهتر کەفته ناڤ وان دا کچ و زارۆك هەموو برن و هندەك پیرهمێر و يێن مەزن هێلا، ئەز و هەرسێ هەڤالێن خۆ د وێدایەکێ ژيێن وێ دوزهخێ دا بوون جارەکێ هەڤالا من یا نادیا گۆته من توو دبینى بێریڤان هەر شەڤ ، ئەو هۆڤ دئێن و ب دەهان کچ و ژنان ژ دەڤ مە دبن ههکە جارەکێ ئەو هاتن و ئەم ژی برن ؟ دێ چ قەومت دەمێ مە ئەڤ سوحبەت دکر هەڤالا مە لیلا گوهێ وێ یێ ل مە بوو دەست ب گری کر و گەلەك د دترسيا ئەو شەڤ هەموو چوو دەست ژ گری بەرنەدا،جارە جارن دگەل وەکا دینا دگەل دیوارێن وی زیندانێ د ئاخڤی.
ئەو شەڤ وەکا سال ژی دەرباس بوو لیلایێ دەڤ ژ گری بەرنهدا هەڤالا مە یا دیتر ناڤێ وی ژیان بوو هندەک جاران من دگۆت نەفرت ل ژیانێ بن من گەلەك خەبر دگۆتن وێ دکرا گری و دگۆت خوزی ناڤێ من ژیان نەبه،سەرێ سەحارێ بوو دەنگێ گولەیان هات ئەم گەلەك ترسان دیسان مە هەموويا دەست ب گری کر دەنگێ داعشەکی هاتە گوهێ من دگۆت هەر کەسەکی ژ ڤێدرهێ برەڤێن دێ بڤی رەنگی کوژن ئەو پیرهمێرەکی گەلەك یێ مەزن بوو هەول دابوو ژ وێ دۆزهخێ برەڤت گەلەك بێ زار ببوو ئەو ب گولەیان کوشتن، دەم نەدبووری جارەکێ وها ژ نشکەکێڤە هاتن و دەرگەهێ وێ ژۆرا ئەم د تێدا ڤەکرن و ب دارێ زۆرێ هەردوو هەڤالێن مە ژیان و نادیا برن و گۆتن نهۆ ئەم دێ ئێن وه ژی بهن ئەز ژ ترسا دا بێ هۆش بووم لێ لێلا ژ من پتر د دترسا نێزیكى 15 خۆلەکا ئەز یا بێ هۆش بووم جارەکێ من چاڤێن خۆ ڤەکرن من دیت وەکا ئاڤێ خوون لبن من را دچەت دەمێ من دیتی هەڤالا من یا لیلایێ خۆ ب شوشیا پەنجەرێ کوشتبوو دا ژ دۆزهخێ ئازاد ببت ئەز بێ دەنگ مام و پەیڤ ژ دەڤێ من دەرنەدکەفت.
دەمێ داعش هاتی دیتین هەڤالا من یا لیلا خۆ کوشتیه گەلەك ئەز قوتام و ب زۆری ئەز برم گۆتن دێ تە بەرهف وەلاتێ سوریا بن ئەو داعشێ ئەز بریم وێ شەڤێ ئاریشهیەکا وی چێبوو ئەز یا ل مالا وی بووم من دیت پەیوەندی ب کەسەکی کر و گۆتێ وەره ئەز دێ دیاریەکێ دهمە تە دەمێ من گوهـ ل وێ پەیڤێ بووی قوتینا من گەهشتا فریشتە من گۆت چاوا وەهانێ ئەز یا بێ تامەنم وی داعشی هات ئەز برم ئەز ب تنێ د ئۆدەیهکا تاری دا زیندان کرم ژ هەر کەسی یا دوربووم من نەزانی چ بوو حالێ هەڤالێن من ب تەمامی ئەز ژ ژیانا خۆ بێ زار بووم لێ هەر بێ هیڤی نەبووم ئەو ب تهمامیا رۆژ و شەڤەکێ بوو ئەز نه نڤستبووم نێزیكى 2 دەمژمێرا ئەز نڤستم دەنگێ ئەورا هاتە گوهێن من ئەز شیار بووم دەمێ ئەز ژ خەو رابوویم من د پەنجەرێ را نێری من دیت بارانە بێهنا من گەلەك فرەهـ بوو من گوهداریا کەتنا دلۆپێن بارانێ دکر، من د پەنجەرا وێ ئۆدەیا وەکا زیندانى کێ دا تەماشەی وێ جوانییا کەتنا بارانێ دکر، چەند جوان دلۆپێن بارانێ دێندکێن ئاخێ ماچ دکرن دەمێ من ئەو ديمەنێ هۆسا یێ جوان دیتی ئەز گەلەك کهیف خۆش بووم چەند من دڤیا ئەز چمه بەر وێ بارانێ و خۆ و تێر ئەو باران ل من ببارێ من گەلەك ژ بارانێ حەزدکر لێ مخابن ئەز یا زیندان کری بووم.
دەمێ باران ب داوی هاتی ئەز ژی ب داوی هاتم دیسا کەفتمه ناڤ خەما و من هزرا هەڤالێن خۆ دکر رۆژ ب داوی هات و ئازارێن من د شەڤێ دا دەست پێکر
وێ شەڤێ نێزیكى دەمژمێر ئێكێ شەڤێ بوو،جارەکێ ئەو مالا ئەز یا تێدا فرۆکەیان ل وێ مالێ دا و یا ئۆدا ئەز یا تێدا هندەك ژی کەفت بلەز من ژی بازدا وی نیڤێ شەڤێ من، ئەز یا د ناڤ وی باژارێ مەزن دابووم لێ من گەلەك جیهـ ژی ناسدکرن ژبەر دەما ئەز زارۆك هەیڤانە دوو سێ جاران ئەز دگەل بابێ خۆ دهاتمە مووسل و پێزانینێن من گەلەك دەربارێ جوگرافیا عێراقێ هەبوون نێزیكى 3 دەمژمێرا ئەز ب لنگا مەشیام نوو من سێ تاخێن مووسل دەربازکرن و من گەلەک هەول دان ئازاد ببم جارەکێ من دیت ترومبێلەك بلەز دچۆ من دەستێ خۆ لێ بلند کر لێ من نهوێرى خۆ نێزيك بکم گەنجەك ژ وێ ترومبێلێ هاتە خوار سەروبەرێن وی نە د وەکو يێن داعش بوون من گوهـ لێ بوو پەیڤهك گۆته من نه ب زمانێ ئەرەبی ب زمانێ کوردی گۆته من کەرهمکه خووشکێ من ئازارێن خۆ ژێرا ب رێزکرن.
دەمێ من ئازارێن خۆ ژێرا گۆتین ئەو گەلەك داخبار بوو و گۆت خووشکا من ئەم ژی ژبەر وان درەڤن کەرهمکه دا ئەم ژ مووسل دەرکەڤن دەرنگه من هندەك جل و بەرگێن رەش وەکی يێن وان لبەر خۆ کرن بوو دەمژمێر 5ێ سبێ ئەم ل تلهعفەرێ بوون بارانەکێ دەست پێکر دیسان ئەز گەلەك بێهن فرەهـ بووم و من گۆت ئەڤ باران یا خێر و خۆشیێ یە من گۆته وی کەسێ برا ئەز هیڤی ژ تە دکهم 5 خۆلەکا بتنێ سهكنى ئەز دێ چمه جانێ خۆ تەڤلی بارانێ کهم وی نه دڤیا ب راوستێ لێ دلێ من نەشکاندن و گۆت بلا دەمێ ئەز ژ ترومبێلێ هاتیمە خوار ل بەر رەخا جادێ بوو من هەست ب خۆشیا کر بارانێ قەستا جان و جەسدێ من کر چەند خۆش دلۆپێن باران ل من دکەتن پۆرا سەرێ من هەموو بوو ئاڤ من دزانی جانێ من ژ بارانێ یێ خەریبا لێ من نکاری زێدەتر جانێ من دلۆپێن بارانی هەمبێز بکە ئەم ل ترومبێلێ سواربوون.
بوو دەمژمێر 7 و نیڤ یێ سبێ وێ شەڤێ چ زالگههێن داعش نەبوون بێهنا هێژیرا و توتنێ من کره من دزانی ئەم نێزیكى شنگالێ دبن جارەکێ ترومبێل سهكنى و ژ کارکەفت وی گەنجی گۆته من دڤێت ئەم ب لنگا هەر خۆ بگەهینن چیایێ شنگالێ ترومبێل شۆل نەکت بوو دەمژمێر 8 : 16 خۆلەك ئەم ب رێ ڤەبوون ئەو گەنج ل پێش من دمهشیام لێ مخابن مینەك ( الغام )دبن لنگێ ویدا پەقیا و جانێ خۆ ژ دەست دا ئەز گەلەك ژبەر وی ب خەم کەفتم دەمێ ئەز گەهشتیمە چیایێ شنگالێ گەلەك خەلك هاته پێشوازيا مه.
تُتاح هذه الصورة أيضا في: کوردی