خەلۆ شنگالی مژوولی بەرهەمێن نوویە
تۆرا لالش یا راگەهاندنێ
(خەلیل قاسم) سترانبێژەكێ گەنج و ژێهاتییە دگۆرەپانا ستران گۆتنا فلكلۆرێ كوردی و شنگالێ دا ب خەلۆ شنگالی ناڤداربوویە،ئەو و هۆنەر پێكڤە دۆستن و خێزانا وی دگەل هاریكار بوویە بۆ گۆتنا سترانێن فلكلۆری و خواستیە چەندین سترانێن رەسەنێن چیایێ شنگالێ د سینگێ خۆ دا بپارێزت،نهۆ ژی مژوولی چێكرنا چەند بەرهەمێن نوویە.
سترانبێژ(خەلۆ شنگالی) بۆ رۆژناما دەنگێ لالش راگەهاند،لسەر حەزا حەژێكەرێن خۆ سترانێن داوەت و شەهیانان ژی ل گەلەك ئاهەنگ و شەڤبێریان گۆتینە و ل گەلەك كۆچك و دیوانان ستران دگەل مامۆستایێن مەزن گۆتینە و خواستیە چەندین سترانێن رەسەنێن چیایێ شنگالێ د سینگێ خۆ دا بپارێزت،رۆنكر ژی بشێوەیەكی بەرچاڤ فلكلۆرێ شنگال بەرەف نەمان و وندابوونێ دچت و داخوازێ ژ ئالیێن بلند و بەرپرس دكەین خۆ ل فلكلۆرێ شنگال و ئێزدیان بكەنە خودان و گەشێ پێ بدەن،هەروەسا پێتڤیە لقەكێ سەندیكا هۆنەرمەندێن كوردستانێ بۆ هۆنەرێ شنگال بێتە ڤەكرن،ژبۆ خورتكرنا فلكلۆرێ مە چنكو فلكلۆر ناسنامە و دیرۆكا هەر مللەتەكی ددەتە خویاكرن.
دەربارەی كارێن خۆ یێن هۆنەری گۆت:نهۆ مژوولی هندێ مە كو هندەك بەرهەمێن دی یێن هۆنەری یێن نوو چێكەم و بەلاڤ بكەم.
تُتاح هذه الصورة أيضا في: کوردی