شێرزاد میرزۆ:هەتا نۆكە تيپا شاريا هەژدە تابلۆیێن هۆنەری نیشانداينه
ئهڤرۆ نيوز:
شێرزاد میرزۆ، ڕێڤهبهرێ هۆنهرى ل تیپا شاریا یا هۆنەرێ مللی، د دیدارەكێ دا بۆ رۆژناما ئەڤرۆ گۆت: بەری چەند هەیڤان تیپا مە چوو بوو وەلاتێ هندستانێ بۆ دەمێ بیست رۆژان ماینە ل وێرێ و پشكداری چار فیستەڤالێن هونەری بووینن، هەروەسا ل نیۆدەلهی مە ب تابلۆیەكێ پشكداری فیستەڤالەكێ بووین و مە مفایەكێ مەزن ژ وێ گەشتێ دیت و هەكە ئەم بشێین هندەك سەما و دیلانێن وان بكەینە دناڤ سەمایێن كوردی دا دێ تشتەكێ جوان و جودا بیت و دەمی َمە دیلانێن خوە بۆ خەلكێ هندستانێ نیشادان تشتەكێ سەرنجراكێش بوو و دبینم مرۆڤ نەشێت كلتۆرێ وەلاتەكێ دی دناڤ كلتۆرێ خوە دا ب كاربینت و دبینم باشترە مرۆڤ كلتۆرێ خوە یێ كوردی نیشا خەلكی بدەت.
هەروەسا گۆت: تیپا شاریا ژ گەلەك قوناغان دەرباز بوویە و ل دەستپێكا سالا 1997 هاتیە دامەزراندن و دئەڤی دەمی دا شیایە گەلەك تابلۆیێن هونەری پێشكێشبكەت و هەتا نوكە هەژدە تابلویێن هونەری یە و بەردەوام دهێنە نیشادان و چ جوداهی دناڤبەرا مە و تیپا دهۆك دا نینە و ئەم دئێك ئاست داینە و حكومەتێ چ جوداهی دناڤبەرا مەدا نەكریە .
تُتاح هذه الصورة أيضا في: کوردی