حهسهن نهسروولا: شهرێ ل حهلهبێ بهرگریكرنه ژ عێراق، لبنان و سووریا
وار
هندهك ژ باژێڕێن سووریا بووینه مهیدانێن شهڕێن مهزن دناڤبهرا وهلاتێن جیهانێ دا و پارێزگهها حهلبێ ژی ئێك ژ وان باژێڕانه كو رۆسیا و ئیران و بهرۆڤاژی ئهمریكا و ههڤپهیمان شهڕی ل سهر دكهن.
ئهمیندارێ گشتیێ حزبوللایا لوبنانی راگههاند؛ شهڕێ ل حهلهبێ شهڕ و بهرگریكرنه ژ ههر سێ وهلاتێن ئیراق، سووریا و لوبنانێ و دوپاتكر ژی ئهو دێ هێزهكا مهزنتر ژی رهوانهیی حهلهبێ كهن.
نهسروولا گۆتژی؛ ئهو ل سووریا بهرهڤانیێ ژ لوبنان و گهلێ لوبنان و پاشهڕۆژا وێ دكهن، نابیت پاشهرۆژا لوبنان ژ پاشهرۆژا ئیراق و سووریا بهێته جوداكرن، ههروهسا دوپاتكر؛ پڕۆژێ ئهمریكا یێ تهكفیری دێ بۆ وێ بیته دهستكهڤت و دوپاتكر؛ ئهو نها ل دهڤهرێ نه بۆ وێ یهكێ بهرهڤانیێ ژ وان ههر سێ وهلاتان بكهن.
نهسروللا گۆتژی؛ ئهوا ل حهلهبێ دهێتهكرن، شهڕهكێ دژواره و دهولهتێن كهنداڤی ژی مایتێكرنێ دكهن و چو راستی ژی بۆ گۆتنێن وان نینه كو دبێژن؛ حزبوللا زیانێن مهزن دیانه.
حهلهب مهزنترین پارێزگههه ل سووریا و د كهڤیته باكۆرێ رۆژئاڤا سووریا، ب دووراتییا 310 كیلۆمتران ژ دیمهشقێ دووره.
بهری چار سالان و ل سالا 2012ێ خوهنیشاندانان دژی بشار ئهسهد، سهرۆكێ رژێما سووریا دهستپێكرن و خوهنیشاندان گهلهك بهردهوام نهبوون و سوپایێ ئازادێ سووریا و هێزێن ئهسهدی شهڕهكێ دژوار كرن، پاشی سوپایێ سووریا باژێڕ بۆمبهبارانكر و تێدا نێزیكی 4 هزار كهسان كوشتن كو پترییا وان سڤیل بوون، لگۆری نهتهوهیێن ئێكگرتی ژی تا نها 200 هزار كهس ژ وێ پاریزگههێ رهڤینه.
ههروهسا ئهو تیمێ پشتهڤانییا سووریا دكهت، ب تیمهكێ پشتهڤان بۆ داعشان ب ناڤكر و ب پشتهڤانێن داعشێ ههر ژ فهلۆجه تا رهقه ناڤكرن.
نهسرووللا دوپاتكر؛ د شهڕێ ل سووریا دا ئهمریكا و ههڤپهیمانێن خوه ههمبهری سوپایێ ئهسهدی و ئالیگر و ههڤپهیمانێن وی شكهستن ئینایه، لهوا ژی ب بهردهوامی داخوازا ئاگربهستان دكهن، لێ وی ڤێجارێ ب ههموو شێوهیان رهتكر؛ شهڕ بهێته راوهستاندن.
حهلهب ب دهڤهرهكا ستراتیژی یا گرنگ ل سووریا دهێته ناڤكرن و ههر ئێك ژ ئهمریكا و رۆسیا دڤێن وێ دهڤهرێ كۆنترۆل بكهن، ئهو ژی ب رێكا سوپایێ ئازاد، هێزێن سووریا دیموكرات كو ئهمریكا راستهوخوه ب رێكا ههڤپهیمانییا دژی داعشێ پشتهڤانییا وان دكهت و ههروهسا ژی حزبوللایا لوبنانی و سهربازێن ئیرانی و سوپایێ سووریا كو رۆسیا راستهوخوه پشتهڤانیێ لێ دكهت.
تُتاح هذه الصورة أيضا في: کوردی