ئامارا کوشتیێن چەکدارێن داعش د شەرێ منبج دا بەلاڤکر
ئێن ئارتى
رەوانگەها سوری بۆ مافێ مرۆڤان بەلاڤکریە، د دەسپێکا ئۆپراسیۆنا کونترۆلکرنا باژێرێ منبج دا هەیا نها ٦٣٢ چەکدارێن داعش هاتنە کوشتن.
روانگەها سوری بۆ مافێ مرۆڤان دوهی ٧ێ تەمووزا ٢٠١٦ێ د راپۆرتەکێ دا بەلاڤکریە، هێزێن سوریایا دیموکرات باشوورێ رۆژئاڤایا منبج کونترۆلکرنە و د پێشڤەچوونێن بەردەوام بۆ ناڤەندا باژارۆکێ بەردەوامن.
هەروەسا رەوانگەها سوری یا مافێ مرۆڤان ئاماژە ب وێ ئێکێ ژی کریە، کو نێزیکی ١١٠ شەرڤانێن هێزێن سوریایا دیموکرات ژی د ئۆپراسیۆنا کونترۆلکرنا منبج دا شەهید بوونە.
هەر د راپۆرتێ دا هاتییە بەلاڤکرن، ژبەر هێرشەکا ئاسمانی یا هێزێن هەڤپەیمانان کو ترومبێلەک ل نێزیک دەڤەرا دادان کربوو ئارمانج، دوو وەلاتیێن سڤیل هاتنە کوشتن.
هەروەسا ژبەر شەر و پەڤچوونێن ناڤبەرا هێزێن سوریایا دیموکرات و چەکدارێن داعش ل رێکەفتی ٣١ێ هەیڤا ئەیارا ئیسال ١٤٨ وەلاتیێن مەدەنی هاتنە کوشتن کو دناڤا وان دا ٤٤ زارۆک و ٢٩ ژن هەنە.
هەیڤەکی بەری نها هێزێن سوریایا دیموکرات ئۆپراسیۆنا کونترۆلکرنا باژێرێ منبج دەستپێکریە و چەکدارێن داعش دناف وی باژێرێ دا ژلایێ شەرڤانان ڤە هاتنە دورپێچکرن.
تُتاح هذه الصورة أيضا في: کوردی