قۆناغهكا دى يا ئۆپەراسیۆنا رزگاركرنا مووسلێ دهست پێ دكت
K24 
حەیدەر عەبادی سەرۆک وەزیرانی عێڕاق، لە وتەیەکدا ئاماژەی بۆ کۆتایی هاتنی هەردوو قۆناغی یەکەم و دووەم و نزیکبوونەوەی قۆناغی سێیەمی ئۆپراسیۆنی کۆنتڕۆڵکردنەوەی مووسڵ کرد.
عەبادی گوتی: “هەمان ئەو هێزانەی بەشدارییان لە کۆنتڕۆڵکردنەوەی فەللوجەدا کرد، بەشداردەبن لە شەڕی ئازادکردنەوەی مووسڵیش”.
هێزە عێڕاقییەکان بە بەشداری چەکدارانی هۆزەکان پێشکەوتنی بەرچاوییان لە کۆنتڕۆڵکردنەوەی ناوچەکانی باشووری مووسڵ بەدەستهێناوە.
ھەر چەندە سوننەكان چەندین جار رایانگەیاندووە كە نابێ ھێزەكانی حەشدی شەعبی بەشداری لە ئۆپەراسیۆنی رزگاركردنی مووسڵدا بكەن، بەڵام حەشدی شەعبی سوورە لەسەر بەشداریکردن لە شەڕی کۆنتڕۆڵکردنەوەی مووسڵ.
کەریم نوری گوتەبێژی حەشدی شەعبی جەخت لە بەشداری کردنی هێزەکانییان لە شەڕی ئازادکردنەوەی مووسڵ دەکەنەوەو دەڵێت:” باسکردن لە حەشد هێڵی سوورە و ڕێگە نادەین لە هوتێلەکاندا تۆمەتمان بۆ دروست بکەن، چاوەڕێی فەرمانین بۆ بەشداریکردن لە ئۆپەراسیۆنی ئازادکردنی مووسڵ”.
پێشتر، ئوسامە نوجێفی سەرۆکی ئیتیلافی موتەحیدون، رایگەیاندبوو، تەواوی هێزە سوننەکان دژی بەشداریی حەشدی شەعبین لە ئۆپراسیۆنی مووسڵ.
تُتاح هذه الصورة أيضا في: کوردی