هەولێر و بەغدا رێککەفتنهكا لێکتێگههشتنێ ئيمزا دکن
باسنيۆز:
هەردوو حکوومەتی هەرێمی کوردستان و عێراق رێککەوتنێکی لێکتێگەیشتن واژۆ دەکەن.
رۆژی پێنجشەممە 8ـی ئەیلوولی 2016، دەرباز محەمەد، وەزیری کۆچ و کۆچپێکراوانی عێراق لە پەیجی تایبەتیی وەزارەتەکەی رایگەیاندووە، کە ئەو بە ناوی حکوومەتی عێراق رێککەوتنەکەی لەگەڵ کەریم سنجاری، وەزیری ناوخۆی حکوومەتی هەرێمی کوردستان واژۆ کردووە.
هەروەک پەیجی وەزارەتی کۆچ و کۆچپێکراوان بڵاوی کردووەتەوە، رێککەوتنەکە بۆ لەخۆگرتن و پەنادانی ئاوارەکانی مووسڵە، کە بەهۆی ئۆپەراسیۆنی رزگار کردنەوەی شارەکە، چاوەڕێ دەکرێ ئاوارەی هەرێمی کوردستان بن.
بەهۆی شەڕی تائیفی نێوان پێکهاتەی سوننە و شیعە و داگیرکاریی رێکخراوی توندڕەوی داعشەوە لە عێراق و شەڕی ناوخۆیی سووریاوە، نزیکەی 1.8 ملیۆن ئاوارە روویان لە هەرێمی کوردستان کردووە.
چەکدارانی داعش لە مانگی حوزەیرانی 2014، دوای هەرەس پێهێنانی سوپا و هێزە ئەمنییەکانی عێراق، شاری مووسڵ و زۆربەی ناوچەکانی پارێزگاکانی نەینەوا، دیالە، سەڵاحەدین و ئەنباریان داگیر کرد.
تُتاح هذه الصورة أيضا في: کوردی