شەرگات هاته کۆنترۆلکرن
رووداو- هەولێر
نێوەڕۆی رۆژی پێنجشەممە 22-9-2016، هێزە عێراقییەکان شارۆچکەی شەرگاتیان کۆنترۆڵکردەوە و، ئێستا ئەو شارۆچکەیە لەژێر دەستی هێزە عێراقییەکاندایە.
جەمال ئەلموختار، بەرپرسی راگەیاندنی پارێزگای سەلاحەدین بە تۆڕی میدیایی رووداوی راگەیاند “شەرگات ئێستا لەدەست هێزە عێراقییەکاندایە، هەنگاوی دوای شەرگات کۆنترۆڵکردنەوەی موسڵ دەبێت لەلایەن هێزە عێراقییەکان”.
بەرپرسی راگەیاندنی پارێزگای سەلاحەدین ئاماژەی بەوەشکرد، خەڵکی سڤیل لەنێو شەرگات مابوون و، 160 هەزار کەسی خەڵکی شارۆچکەکەش ئاوارەی ناوچەکانی دەوروبەری شەرگات بوون.
شارۆچکەی شەرگات، بەدووری 120 کیلۆمەتر لە باشووری پارێزگای نەینەوایە و هەرسێ پارێزگای نەینەوا موسڵ و کەرکووک بەیەکەوە دەبەستێتەوە، لە ساڵی 2014 کەوتە ژێر دەسەڵاتی چەکدارانی داعش، رۆژی سێشەممە 20-9-2016 ئۆپەراسیۆنی کۆنتڕۆڵکردنەوەی شارۆچکەکە لەلایەن هێزە عێراقییەکان دەستیپێکرد و، دوای دوو رۆژ کۆنترۆڵکرایەوە.
تُتاح هذه الصورة أيضا في: کوردی